ପୁଷ୍ଟି ବଜେଟ୍ ପାଇଁ ୫,୧୨,୧୧୪ କୋଟି
ଶିଶୁ ପିଛା ୧୬,୫୯୩ ଟଙ୍କା ବ୍ୟୟ ହେବ; ୨୪,୧୨୦ କୋଟି ଟଙ୍କାର ଶିଶୁ ବଜେଟ୍
ଭୁବନେଶ୍ବର : ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଏକ ସ୍ବତନ୍ତ୍ର ପୁଷ୍ଟି ବଜେଟ୍ ଉପସ୍ଥାପନ କରିଛନ୍ତି। ରାଜ୍ୟର ବିଭିନ୍ନ ସ୍କିମ୍ରେ ପୁଷ୍ଟିସାଧନ ପାଇଁ ୨୦୨୧-୨୨ ବଜେଟ୍ରେ ୫,୧୨,୧୧୩.୯୯ ଲକ୍ଷ ଟଙ୍କାର ବ୍ୟୟବରାଦ କରାଯାଇଛି। ପୂର୍ବବର୍ଷ (୨୦୨୦-୨୧)ରେ ତାହା ୪,୫୫,୪୮୪.୨୯ ଲକ୍ଷ ଟଙ୍କା ଥିଲା। ପୁଷ୍ଟି ସମ୍ବେଦନଶୀଳ ସ୍କିମ୍ଗୁଡ଼ିକ ପାଇଁ ଏଥର ୨୫,୨୩,୯୦୯.୯୩ ଲକ୍ଷ ଟଙ୍କାର ବ୍ୟୟବରାଦ କରାଯାଇଛି। ୧୬ଟି ସ୍କିମ୍କୁ ପୁଷ୍ଟି ଭିତ୍ତିକ ସ୍କିମ୍ ଭାବେ ଚିହ୍ନଟ କରାଯାଇଛି। ପୁଷ୍ଟି ବଜେଟ୍ରେ କରାଯାଇଥିବା ବ୍ୟୟବରାଦର ୫୬% ଅର୍ଥ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ଖର୍ଚ୍ଚ କରିବ। ଖାଦ୍ୟ ସୁରକ୍ଷା ଓ ଉପଭୋକ୍ତା କଲ୍ୟାଣ ବିଭାଗ ୨୫%, ସ୍କୁଲ ଓ ଗଣ ଶିକ୍ଷା ବିଭାଗ ୧୩ ପ୍ରତିଶତ ଏବଂ ଦିବ୍ୟାଙ୍ଗମାନଙ୍କ ସାମାଜିକ ସୁରକ୍ଷା ଓ ଶସକ୍ତୀକରଣ ବିଭାଗ ୬ ପ୍ରତିଶତ ଅର୍ଥ ଖର୍ଚ୍ଚ କରିବ।
Sambad is now on WhatsApp
Join and get latest news updates delivered to you via WhatsApp
ଶିଶୁ ପିଛା ୧୬,୫୯୩ ଟଙ୍କା ବ୍ୟୟ ହେବ, ୨୪,୧୨୦ କୋଟି ଟଙ୍କାର ଶିଶୁ ବଜେଟ୍
ଭୁବନେଶ୍ବର : ରାଜ୍ୟ ସରକାର ଶିଶୁ ବଜେଟ୍ରେ ୨୦୨୧-୨୨ ଆର୍ଥିକ ବର୍ଷ ପାଇଁ ୨୪,୧୯୯.୭୨ କୋଟି ଟଙ୍କାର ବ୍ୟୟବରାଦ କରିଛନ୍ତି। ପୂର୍ବ ଆର୍ଥିକ ବର୍ଷରେ ଏଥିପାଇଁ ୨୦, ୧୧୧.୬୩ କୋଟି ଟଙ୍କା ଦିଆଯାଇଥିଲା। ରାଜ୍ୟରେ ମୁଣ୍ଡପିଛା ଶିଶୁ ବ୍ୟୟ ୧୬,୫୯୩ ଟଙ୍କାକୁ ବୃଦ୍ଧି କରାଯାଇଛି। ୨୦୨୦-୨୧ରେ ଏହା ୧୩,୮୫୭ ଟଙ୍କା ଥିଲା। ରାଜ୍ୟର ୧୩ଟି ବିଭାଗରେ ଶିଶୁ ସମ୍ପର୍କିତ ୨୨୭ଟି ସ୍କିମ୍ ଓ କାର୍ଯ୍ୟକ୍ରମ ଚିହ୍ନଟ କରାଯାଇଛି। ସରକାର ଏହା ଉପରେ ଗୁରୁତ୍ବ ଦେବେ। ଶିଶୁଙ୍କ ବିକାଶ ପାଇଁ ୪୩ଟି, ସ୍ବାସ୍ଥ୍ୟ ପାଇଁ ୨୩ଟି, ଶିକ୍ଷା ପାଇଁ ୧୪୧ଟି ଓ ସୁରକ୍ଷା ପାଇଁ ୨୦ଟି ସ୍କିମ୍ ଓ କାର୍ଯ୍ୟକ୍ରମ ଚିହ୍ନଟ କରାଯାଇଛି ବୋଲି ଶିଶୁ ବଜେଟ୍ରେ ଉଲ୍ଲେଖ କରାଯାଇଛି। ଶିଶୁମାନଙ୍କ ପାଇଁ ପ୍ରସ୍ତୁତ ହୋଇଥିବା ବଜେଟ୍ର ସିଂହ ଭାଗ ଅର୍ଥାତ ୭୫.୭୭% ବ୍ୟୟ ସ୍କୁଲ ଓ ଗଣ ଶିକ୍ଷା ବିଭାଗ କରିବ। ମହିଳା ଓ ଶିଶୁ କଲ୍ୟାଣ ବିଭାଗ ଏବଂ ମିଶନ ଶକ୍ତି ୧୩.୧୮% ଅର୍ଥ ବ୍ୟୟ କରିବ। ଶିଶୁମାନଙ୍କ ଶିକ୍ଷାରେ ୮୫.୭%, ବିକାଶରେ ୨.୬%, ସ୍ବାସ୍ଥ୍ୟରେ ୧୦.୯% ଓ ସୁରକ୍ଷାରେ ୦.୭% ପାଣ୍ଠି ବ୍ୟୟ କରାଯିବ। ରାଜ୍ୟର ବଜେଟ୍ରେ ଶିଶୁ ବଜେଟ୍ର ଭାଗ ହେଉଛି ୧୭.୪୨% ଏବଂ ରାଜ୍ୟ ଜିଡିପିରେ ଏହି ବଜେଟ୍ର ଭାଗ ହେଉଛି ୪.୧୨%।
୧୮୩୧ ମତାମତ ଆସିଥିଲା
ଭୁବନେଶ୍ବର : ୨୦୧୬-୧୭ ଆର୍ଥିକ ବର୍ଷରୁ ରାଜ୍ୟ ସରକାର ବଜେଟ୍ ପ୍ରସ୍ତୁତ ପୂର୍ବରୁ ଜନସାଧାରଣଙ୍କ ମତାମତ ଲୋଡ଼ୁଛନ୍ତି। ବିଶେଷକରି ଫେସ୍ବୁକ୍, ହ୍ବାଟ୍ସ ଆପ୍, ଏସ୍ଏମ୍୍ଏସ୍, ଇ-ମେଲ୍ ଓ ଅର୍ଥ ବିଭାଗର େପାର୍ଟାଲ ଜରିଆରେ ମତାମତ ଆହ୍ବାନ କରାଯାଇଥିଲା। ଏବର୍ଷ ମୋଟ ୧୮୩୧ଟି ମତାମତ ଆସିଛି। ଏ ମଧ୍ୟରୁ ଏସ୍ଏମ୍୍ଏସ୍ ଓଟ୍ବିଟରରେ ୬୨୨ଟି, ହ୍ବାଟ୍ସ ଆପ୍ରେ ୬୪୩ଟି, ୱେବ୍ ପୋର୍ଟାଲରେ ୩୬୫, ଫେସ୍ବୁକରେ ୨୦୧ଟି ମତାମତ ମିଳିଥିଲା।