ଡିକି ଭାଙ୍ଗି ଚାଷୀଙ୍କ ୭୦ ହଜାର ଟଙ୍କା ଲୁଟ୍
ବୌଦ୍ଧ : ମୁରସୁଣ୍ଢିରେ ବାଇକ୍ ଡିକି ଭାଙ୍ଗି ୭୦ ହଜାର ଟଙ୍କା ଲୁଟ୍ ହୋଇଥିବା ବୌଦ୍ଧ ଥାନାରେ ଅଭିଯୋଗ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ମୁଣ୍ଡିପଦର ପଞ୍ଚାୟତ ପଲସପାଟ ଗ୍ରାମର ହିମାଂଶୁ ପ୍ରଧାନ ଓ ରଞ୍ଜନ ପ୍ରଧାନ ସମବାୟ ବ୍ୟାଙ୍କରୁ କୃଷି ଋଣ କରିଥିଲେ। ବୁଧବାର ବୌଦ୍ଧ କେନ୍ଦ୍ର ସମବାୟ ବ୍ୟାଙ୍କରୁ ସାଙ୍ଗ ହୋଇ ହିମାଂଶୁ ୪୦ ହଜାର ଟଙ୍କା ଓ ରଞ୍ଜନ ୩୦ ହଜାର ଟଙ୍କା ଉଠାଇ ଥିଲେ। ବାଇକର ଡିକିରେ ଉଭୟେ ଟଙ୍କା ରଖି ଉଭୟେ ୫୭ ନଂ ଜାତୀୟ ରାଜପଥରେ ଘରକୁ ଫେରୁଥିଲେ। ମୁରୁସୁଣ୍ଢିର ଏକ ବିହନ ଦୋକାନ ସମ୍ମୁଖରେ ବାଇକଟିକୁ ରଖି ବିହନ କିଣୁଥିଲେ। ଏହି ସମୟରେ ବୌଦ୍ଧ ପଟରୁ ଆସି ୨ ଜଣ ଦୁର୍ବୃତ୍ତ ଡିକି ଭାଙ୍ଗି ଉଭୟଙ୍କ ଟଙ୍କା ନେଇ ଫେରାର ହୋଇଯାଇଥିଲେ।