ରଣପୁର ଗ୍ରାମରେ ପିଲାଚୋର ଗୁଜବ
ବାଲିଅନ୍ତା : ଆଜି ରାତି ୯ଟା ସମୟରେ ବାଳକାଟି ଫାଣ୍ଡି ଅଧୀନ ରଣପୁର ଗ୍ରାମରେ ପିଲାଚୋର ଗୁଜବ ପ୍ରଚାର ନେଇ ଆତଙ୍କ ପରିସ୍ଥିତି ଉପୁଜିଛି । ରାତି ୧୦ଟା ସମୟରେ ଭୋଇସାହି ନିକଟସ୍ଥ ପୋଖରୀ ନିକଟସ୍ଥ ଅନ୍ଧାରିଆ ସ୍ଥାନରେ ଜଣେ ଯୁବକଙ୍କୁ ମୁହଁ ଘୋଡ଼ାଇ ହୋଇ ଛିଡ଼ା ହୋଇଥିବା ଦେଖି ସାହିର ଜଣେ ମହିଳା ପିଲାଚୋର କହି ଚିତ୍କାର କରିଥିଲେ । ତାଙ୍କ ପାଟି ଶୁଣି କିଛି ସମୟ ମଧ୍ୟରେ ସେଠାରେ ଶତାଧିକ ସ୍ଥାନୀୟ ଲୋକଙ୍କ ରୁଣ୍ଡ ହୋଇଯାଇଥିଲେ । ହାତରେ ଲଣ୍ଠନ ଓ ଠେଙ୍ଗାବାଡ଼ି ଧରି ପିଲାଚୋରକୁ ଧରିବା ପାଇଁ ବଣବୁଦା ଓ ପୋଖରୀହୁଡ଼ା ଓ ନଡ଼ିଆ ବଗିଚାରେ ପଶି ଖୋଜାଖୋଜି କରିଥିଲେ । ଦୀର୍ଘ ସମୟ ଧରି ଛାନଭିନ କରିଥିଲେ ମଧ୍ୟ ପିଲାଚୋରର କୌଣସି ପତ୍ତା ମିଳିନଥିଲା । ଦୀର୍ଘ ସମୟ ଧରି ଖୋଜାଖୋଜି କରିବା ପରେ ନିରାଶ ହୋଇ ଫେରିଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପୂର୍ବାହ୍ନରେ ବାଲିପାଟଣା ଥାନା ଅଧୀନ ଗୁଆପୁର ଗ୍ରାମରେ ପିଲାଚୋର ଗୁଜବ ନେଇ ଭୟଭୀତ ହୋଇପଡ଼ିଥିବା ଲୋକମାନେ ଆତଙ୍କିତ ହୋଇପଡ଼ିଥିଲେ । ସ୍ଥାନୀୟ ଲୋକ ଜଣେ ଯୁବକଙ୍କୁ ପିଲା ଚୋର ସନ୍ଦେହରେ ବହେ ଛେଚିଥିଲେ । ପରେ ଜଣାପଡ଼ିଥିଲା ଯେ ଯୁବକ ଜଣକ ମନ୍ଦିର ତିଆରି ପାଇଁ ସହାୟତା ମାଗୁଥିଲେ । ଅନୁରୂପ ଭାବେ ରଣପୁର ଗ୍ରାମରେ ପିଲାଚୋର ଘଟଣା ଏକ ଗୁଜବ ବୋଲି ଜଣାପଡ଼ିଥିଲା ।