ଲକ୍ଷାଧିକ ଟଙ୍କାର ଶାଳଗଣ୍ଡି ଜବତ

କାଳିଆପାଣି: ସୁକିନ୍ଦା ରେଞ୍ଜ୍ ଓ ସେକ୍ସନ ପକ୍ଷରୁ ଗତକାଲି ମହାଗିରି ସୁରକ୍ଷିତ ଜଙ୍ଗଲର ପାଦଦେଶ ରାଙ୍କିଆ ଗାଁରେ ଚଢ଼ଉ କରାଯାଇ ୭ଟି ଶାଳଗଣ୍ଡି ଉଦ୍ଧାର କରାଯାଇଛି। ଏହି କାଠଗଣ୍ଡିର ଆୟତନ ୬୦ ଘନଫୁଟ ଏବଂ ଆନୁମାନିକ ମୂଲ୍ୟ ‌ଲକ୍ଷେ ଟଙ୍କା ବୋଲି ବିଭାଗୀୟ ସୂଚନା ମିଳିଛି।

ରେଞ୍ଜର ବିପିନ ବିହାରୀ ରାଉତରାୟଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ବନପାଳ ଦୀପ୍ତିମୟୀ ନାୟକ ସଦଳବଳ ଚଢ଼ଉରେ ସାମିଲ ହୋଇଥିଲେ। ଖୁବଶୀଘ୍ର ସଂପୃକ୍ତ ଅଭିଯୁକ୍ତମାନଙ୍କୁ ଚିହ୍ନଟ ଓ ଗିରଫ କରାଯିବ ବୋଲି କୁହାଯାଇଛି।