ସମ୍ବଲପୁରରେ ସାମ୍ବାଦିକଙ୍କୁ ଠେଲାପେଲା କଲେ ଥାନା ଅଧିକାରୀ
କେନ୍ଦ୍ରାପଡା ପରେ ସମ୍ବଲପୁରରୁ ଆସିଲା ଦୁର୍ବ୍ୟବହାର ଘଟଣା
ସମ୍ବଲପୁର: କେନ୍ଦ୍ରାପଡାରେ ଏସପି ନୀତିଶେଖର ଜଣେ ସାମ୍ବାଦିକଙ୍କୁ ଦୁର୍ବ୍ୟବହାର କରିବା ଘଟଣା ମନରୁ ଲିଭି ନଥିବାବେଳେ ପୁଣି ଥରେ ସମ୍ବଲପୁରରେ ଜଣେ କାର୍ଯ୍ୟରତ ସାମ୍ବାଦିକଙ୍କୁ ପୁଲିସର ଦୁର୍ବ୍ୟବହାର ଘଟଣା ସାମ୍ନାକୁ ଆସିଛି | ଧନୁପାଲୀ ଥାନାର ଇନ୍ସପେକ୍ଟର କମଳ ପଣ୍ଡା ବୈଦ୍ୟୁତିକ ଗଣମାଧ୍ୟମର ସାମ୍ବାଦିକ ଗୁଣମଣି ବିଶ୍ୱାଳଙ୍କୁ ଠେଲାପେଲା କରିବା ସହ ଦୁର୍ବ୍ୟବହାର କରିଥିବାର ଦୃଶ୍ୟ ସାମ୍ନାକୁ ଆସିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ସମ୍ବଲପୁରର ସହରର ଏକ ଇଂରାଜୀ ମାଧ୍ୟମ ଘରୋଇ ବିଦ୍ୟାଳୟରେ ଜଣେ ଛାତ୍ରୀଙ୍କୁ ଅସଦାଚରଣ କରାଯାଇଥିବା ନେଇ ଖବର ପ୍ରକାଶ ପାଇଥିଲା | ଏହାକୁ ନେଇ ଆଜି ସକାଳେ ବହୁ ସଂଖ୍ୟାରେ ଅଭିଭାବକ ଓ ଗଣମାଧ୍ୟମ ପ୍ରତିନିଧି ସ୍କୁଲ ଫାଟକ ସାମ୍ନାରେ ରୁଣ୍ଡ ହୋଇଥିଲେ |
ଏହି ସମୟରେ ଥାନା ଅଧିକାରୀ କମଳ ପଣ୍ଡା ଅଭିଭାବକଙ୍କ ସହ ବୈଦ୍ୟୁତିକ ଗଣମାଧ୍ୟମର ସାମ୍ବାଦିକ ଗୁଣମଣିଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ | ଗୁଣମଣିଙ୍କ କଥା ନ ଶୁଣି ତାଙ୍କୁ ଘୋଷାରି ସ୍କୁଲ ଗେଟ ସମ୍ମୁଖରୁ ଭିଡିଅଣାଯାଇଥବାର ଅଭିଯୋଗ ହୋଇଛି | ଏହି ଘଟଣାକୁ ନେଇ ସାମ୍ବାଦିକମାନେ ଉତ୍ତରାଞ୍ଚଳ ଡ଼ିଆଇଜି ସତ୍ୟବ୍ରତ ଭୋଇଙ୍କୁ ଭେଟିବା ସହ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି |