ତିନିଦିନ ହେଲା ସ୍କୁଲ୍ଘର ମେଲା, ଉତ୍ତେଜନା
ଆନନ୍ଦପୁର : ତିନିଦିନ ହେଲା ସ୍କୁଲ୍ଘରେ ତାଲା ପଡ଼ିନି। ସ୍କୁଲ ଛୁଟି ହେଲା ପରେ ଶିକ୍ଷକ ଓ କର୍ମଚାରୀମାନେ ଘରକୁ ପଳାଇଲେ। ତାଲା ପକାଇବାକୁ ଭୁଲିଗଲେ। ଏହାକୁ କେନ୍ଦ୍ରକରି ଆଜି ଖାଳିଆମେଣ୍ଟା ବିଦ୍ୟାଳୟରେ ଉତ୍ତେଜନା ପ୍ରକାଶ ପାଇଛି। ପ୍ରାପ୍ତ ସୂଚନା ଅନୁସାରେ, ଶନିବାର ସ୍କୁଲ୍ ଛୁଟି ହେଲା ପରେ ଛାତ୍ରଛାତ୍ରୀ ଘରକୁ ଯାଇଥିଲେ। ସେମାନଙ୍କ ପଛେପଛେ ଶିକ୍ଷକ ଓ କର୍ମଚାରୀମାନେ ମଧ୍ୟ ପଳାଇଥିଲେ। କିନ୍ତୁ ବିଦ୍ୟାଳୟରେ ତାଲା ପକାଇବାକୁ ଭୁଲି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏକଥା ଜାଣିବା ପରେ କିଛି ସ୍ଥାନୀୟ ଯୁବକ ବିଦ୍ୟାଳୟରେ ତାଲା ପକାଇଥିଲେ। ଆଜି ସାଢ଼େ ୯ବେଳେ ଛାତ୍ରଛାତ୍ରୀ ବିଦ୍ୟାଳୟରେ ପହଞ୍ଚିଥିଲେ। ପରେପରେ ଅଭିଭାବକ ଓ ଗ୍ରାମବାସୀ ମଧ୍ୟ ପହଞ୍ଚିଥିଲେ। ସ୍କୁଲ୍ରେ କାହିଁକି ତାଲା ପକାଗଲା ନାହିଁ ବୋଲି କହି ଗ୍ରାମବାସୀ ପାଟିତୁଣ୍ଡ କରିଥିଲେ। ସରପଞ୍ଚ ବୃନ୍ଦାବନ ଜେନାଙ୍କ ହସ୍ତକ୍ଷେପ ପରେ ଘଟଣାର ସମାଧାନ ହୋଇଥିଲା।