ବକେୟା ଦରମା ଓ ପେନସନ୍ ନ ମିଳିଲେ ବିଧାନସଭା ଘେରାଉ
ଭୁବନେଶ୍ୱର : ସପ୍ତମ ବେତନ କମିସନ୍ରେ ଦରମା ଓ ପେନସନ୍ ଲାଗୁ କ୍ଷେତ୍ରରେ ରାଜ୍ୟ ସରକାରଙ୍କ ଚରମ ପକ୍ଷପାତିତା ଦୃଷ୍ଟିକୁ ଆସିଛି। ଅନୁଦାନପ୍ରାପ୍ତ ଶିକ୍ଷାନୁଷ୍ଠାନଗୁଡ଼ିକ କ୍ଷେତ୍ରରେ ଏଭଳି ବୈମାତୃକ ମନୋଭାବ ପୋଷଣ ଶିକ୍ଷକ, ଅଧ୍ୟାପକ ଓ କର୍ମଚାରୀଙ୍କୁ ଅତିଷ୍ଠ କରିଛି। ସମସ୍ତ ସରକାରୀ କର୍ମଚାରୀ, ସରକାରୀ କଲେଜର ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କ ପାଇଁ ୭ମ ବେତନ କମିସନ ଦରମା ଓ ପେନସନ୍ ୨୦୧୬ ଜାନୁଆରିରୁ ଲାଗୁ ହୋଇଥିବା ବେଳେ ଅନୁଦାନପ୍ରାପ୍ତ ଶିକ୍ଷାନୁଷ୍ଠାନ ପାଇଁ ୨୦୧୭ ଅକ୍ଟୋବର ୧ରୁ ଲାଗୁ କରାଯାଇଛି। ତେଣୁ ଉକ୍ତ ଶିକ୍ଷାନୁଷ୍ଠାନର ଶିକ୍ଷକ, ଅଧ୍ୟାପକ ଓ କର୍ମଚାରୀଙ୍କ ଜୀବନଜୀବିକା କ୍ଷେତ୍ରରେ କୁଠାରଘାତ କରାଯାଇଛି ବୋଲି ନିଖିଳ ଉତ୍କଳ ଶିକ୍ଷକ ମହାସଂଘର ସାଧାରଣ ସମ୍ପାଦକ ଅଧ୍ୟାପକ ରବି ରାୟ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେହିପରି ଅନୁଦାନପ୍ରାପ୍ତ ଶିକ୍ଷାନୁଷ୍ଠାନ ଓ ସରକାରୀ ଅଧିଗୃହୀତ ଶିକ୍ଷାନୁଷ୍ଠାନରୁ ଅବସର ନେଇଥିବା ଶିକ୍ଷକ, ଅଧ୍ୟାପକ, କର୍ମଚାରୀଙ୍କୁ ୨୦୧୭ ଅକ୍ଟୋବର ୧ରୁ ବର୍ଦ୍ଧିତ ପେନସନ୍ ପ୍ରଦାନ କରାଯାଇଛି। ଏହା ସାମାଜିକ ସୁରକ୍ଷା ପ୍ରତି ଘୋର ଅବିଚାର। ସେମାନଙ୍କୁ ୨୧ ମାସର ବକେୟା ପେନସନ୍ ନ ଦେଇ ମରଣ ମୁହଁକୁ ଠେଲି ଦେବାକୁ ରାଜ୍ୟ ସରକାର ଚେଷ୍ଟା କରୁଛନ୍ତି। ଏଦିଗରେ ତୁରନ୍ତ ପଦକ୍ଷେପ ନିଆଯାଉ। ନ ହେଲେ ଆଗାମୀ ଦିନରେ ବିଧାନସଭା ଘେରାଉ କରାଯିବ ବୋଲି ମହାସଂଘର ସଭାପତି ଦାଶରଥୀ ନାୟକ କହିଛନ୍ତି।