ଚଣ୍ଡିଖୋଲ/ବଡ଼ଚଣା : ଏକ ବୁଲା ଷଣ୍ଢ ପଛରେ ପିଟି ହୋଇ ଜଣେ ସ୍କୁଟି ଚାଳକଙ୍କ ମୃତ୍ୟୁ ଘଟିଛି । ମୃତ ଯୁବକଜଣକ ବଡଚଣା ଥାନା ଅନ୍ତର୍ଗତ ସୁଙ୍ଗୁଡା ଗ୍ରାମର ସମୀର ସାହାଣୀଙ୍କ ଏକ ମାତ୍ର ପୁତ୍ର ସଂଗ୍ରାମ ସାହାଣୀ (୩୪) ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯୋଗ୍ୟଯେ, ଆଜି ସନ୍ଧ୍ୟାରେ ସଂଗ୍ରାମ ନିଜ ସ୍କୁଟି ଯୋଗେ କୌଣସି କାମରେ ବଡ଼ଚଣାକୁ ଯାଇଥିଲେ। ବଡ଼ଚଣା ବଜାର ନିକଟରେ ଏକ ବୁଲା ଷଣ୍ଢ ପଛରେ ତାଙ୍କ ସ୍କୁଟିଟି ପିଟି ହୋଇ ଯାଇଥିଲା । ଏହି ଦୁର୍ଘଟଣାରେ ସଂଗ୍ରାମ ତଳେ ପଡି ଯାଇ ଗୁରୁତର ଆହତ ହୋଇଥିଲେ । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଗୁରୁତର ଅବସ୍ଥାରେ ତାଙ୍କୁ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଛି। ମୃତ ସଂଗ୍ରାମଙ୍କର ବିଧବା ପତ୍ନୀ, ୩ ବର୍ଷର ଝିଅ ଓ ଦେଢ଼ ମାସର ପୁତ୍ର ସନ୍ତାନ ଅଛନ୍ତି । କଟକରୁ ତାଙ୍କ ମୃତ୍ୟୁ ଖବର ପହଞ୍ଚିବାପରେ ସୁଙ୍ଗୁଡା ଗ୍ରାମରେ ଶୋକର ଛାୟା ଖେଳିଯାଇଛି । ତାଙ୍କ ବିୟୋଗରେ ସରପଞ୍ଚ ଚାଚାଲିନ ସ୍ୱାଇଁ, ନାଏବ ସରପଞ୍ଚ ସେକ ମସିର ଆଲାମ, ଅରୁଣ ନାୟକ,ହେମନ୍ତ ରାଉତ ଓ ପ୍ରିୟବ୍ରତ ଖିଲାର ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି ।