ଜଳିଗଲା ସ୍କର୍ପିଓ, ଅଳ୍ପକେ ବର୍ତ୍ତିଲେ ୯ ଯାତ୍ରୀ
ବୌଦ୍ଧ: ମହାରାଷ୍ଟ୍ରର ନାଗପୁରରୁ ପୁରୀ ଜଗନ୍ନାଥ ଦର୍ଶନ ପାଇଁ ଯାଇ ଫେରୁଥିବା ବେଳେ ଏକ ସ୍କର୍ପିଓ ଗାଡ଼ି ଜଳି ଯାଇଛି। ଗାଡ଼ିରେ ଥିବା ୯ ଜଣ ପୁରୁଷ ମହିଳା ଯାତ୍ରୀ ଏବେ ସୁରକ୍ଷିତ ଅଛନ୍ତି। ସେମାନଙ୍କ କିଛି ଜିନିଷ ପୋଡ଼ି ଯାଇଛି। ସୂଚନା ଅନୁସାରେ, ଶୁକ୍ରବାର ପୁରୀରୁ ସ୍କର୍ପିଓ (ଏମ୍ଏଚ୍ ୨୮ ଏଏନ୍ ୦୬୭୭) ଖୋର୍ଦ୍ଧା-ବଲାଙ୍ଗୀର ୫୭ ନଂ ଜାତୀୟ ରାଜପଥର ବୌଦ୍ଧ ବାଇପାସ୍ରେ ଆସୁଥିଲା।
Sambad is now on WhatsApp
Join and get latest news updates delivered to you via WhatsApp
ରାତି ସାଢ଼େ ଆଠଟା ସମୟରେ ବୌଦ୍ଧ ସହରର ବ୍ରିଜ ଛକ ଟୁଟୁସିଙ୍ଗା ଗ୍ରାମ ନିକଟରେ ଗାଡ଼ିର ଇଞ୍ଜିନରୁ ନିଆଁ ବାହାରୁଥିବା ଦେଖିଥିଲେ। ଗାଡ଼ିରେ ୬ ଜଣ ମହିଳା ଓ ୩ ଜଣ ପୁରୁଷ ଥିଲେ। ଗାଡ଼ିକୁ ଅଟକାଇ ସମସ୍ତେ ବାହାରି ଆସିଥିଲେ। କିଛି କ୍ଷଣ ମଧ୍ୟରେ ଗାଡ଼ିଟି ଜଳି ଯାଇଥିଲା। ଖବର ପାଇ ଅଗ୍ନିଶମ କର୍ମଚାରୀମାନେ ଆସି ନିଆଁକୁ ଆୟତ୍ତ କରିଥିଲେ।