ପିକ୍‌ଅପ୍‌ ଡ୍ରାଇଭରଙ୍କ ସିରିଜ୍‌ ଦୁର୍ଘଟଣା : ୩ ଆହତ

ରାଉରକେଲା: ବେପରୁଆ ଗାଡି ଚାଳନା ପିକ୍‌ ଅପ୍‌ ଡ୍ରାଇରଙ୍କୁ ମହଙ୍ଗା ପଡିଛି। ଉତ୍ତେଜିତ ଲୋକ ଡ୍ରାଇଭରଙ୍କୁ ଉତ୍ତମ ମଧ୍ୟମ ଦେଇ ଉଦିତନଗର ପୁଲିସକୁ ହସ୍ତାନ୍ତର କରିଛି। ପୁଲିସ ଡ୍ରାଇଭର କୁମ୍ଭାରପଡାର ଦୁର୍ଗା ବାଗେ (୨୬)କୁ ଥାନାରେ ଅଟକ ରଖିଛି। ପୁଲିସ ଦୁର୍ଘଟଣାଗ୍ରସ୍ତ ପିକ୍‌ ଅପ୍‌କୁ ଜବତ କରି ଘଟଣାର ତଦନ୍ତ ଚଳାଇଛି। ମିଳିଥିବା ସୂଚନା ମୁତାବକ ଓଡି ୧୪କ୍ୟୁ-୫୩୯୫ ପିକ୍‌ଅପ୍‌ ଉଦିତନଗରରୁ ବାସନ୍ତୀକଲୋନି ଆଡକୁ ଯାଉଥିଲା।

ବାସନ୍ତୀଲୋନି ଓଭରବ୍ରିଜ ଆମ୍ବେଦକର ଛକରେ ଜଣେ ମୋଟରବାଇକ୍‌ ଚାଳକୁ ଧକ୍କା ଦେଇଥିଲା। ପରେ ବାସନ୍ତୀକଲୋନିରେ ଅନ୍ୟ ଜଣେ ସ୍କୁଟି ଓ ମୋରବାଇକ୍‌କୁ ଧକ୍କା ଦେଇଥିଲା। ଗାଡି ଧକ୍କାରେ ୩ ଜଣ ମୋଟରବାଇକ୍‌ ଓ ସ୍କୁଟି ଚାଳକ ଆହତ ହୋଇଥିଲେ। ଶେଷରେ ଡ୍ରାଇଭର ଏକ ଅଟୋ ଓ ବିଦ୍ୟୁତ୍‌ ଖୁଣ୍ଟିକୁ ଧକ୍କା ଦେଇଥିଲା। ସ୍ଥାନୀୟ ଲୋକ ଘଟଣାସ୍ଥଳରୁ ଡ୍ରାଇଭର ଦୁର୍ଗାକୁ ଧରି ମାଡ ମାରିଥିଲେ।