ମହାପ୍ରଭୁଙ୍କ ଦର୍ଶନ କରିବାକୁ ଆସି ବରିଷ୍ଠ ନାଗରିକ ନିଖୋଜ
ପୁରୀ : ମହାପ୍ରଭୁଙ୍କ ଦର୍ଶନ କରିବାକୁ ଆସି ନିଖୋଜ ହୋଇଯାଇଛନ୍ତି କେଉଁଝର ତେଲକୋଇର ବାସିନ୍ଦା ରବୀନ୍ଦ୍ର କୁମାର ଦାସ (୬୦)। ଗତ ୯ ତାରିଖରେ ପରିବାର ଓ ଗାଁ’ ଲୋକଙ୍କ ସହ ସେ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପାଇଁ ଯାଇଥିବା ବେଳେ ପରିବାର ବର୍ଗଙ୍କ ମେଳ ମଧ୍ୟରୁ ବାହାରି କେଉଁଆଡ଼େ ଚାଲିଯାଇଥିଲେ। ତେଣୁ ରବୀନ୍ଦ୍ରଙ୍କ ନିଖୋଜ ହେବା ପରେ ଆଉ ଗାଁ’କୁ ନ ଫେରି ପରିବାର ବର୍ଗ ଓ ଗ୍ରାମର ବ୍ୟକ୍ତିବିଶେଷ ତାଙ୍କୁ ୪ ଦିନ ହେଲା ଖୋଜାଖୋଜି ଚଳାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏନେଇ ପରିବାର ପକ୍ଷରୁ ସିଂହଦ୍ବାର ଥାନାରେ ଅଭିଯୋଗ ଦିଆଯାଇଛି। ମାତ୍ର ଏପର୍ଯ୍ୟନ୍ତ ରବୀନ୍ଦ୍ରଙ୍କ ପତ୍ତା ମିଳୁନାହିଁ। ପରିବାରବର୍ଗ ତାଙ୍କ ଫଟୋ ଧରି ଖୋଜି ବୁଲୁଥିବା ବେଳେ କିଛି ବ୍ୟକ୍ତି ତାଙ୍କୁ ବାସେଳିସାହି ନିକଟରେ ତ ଆଉ କିଛି ବ୍ୟକ୍ତି ତାଙ୍କୁ ତେଇଶିପୁର ନିକଟରେ ଦେଖିଥିବା କହିଛନ୍ତି। ରବୀନ୍ଦଙ୍କ ସମ୍ପର୍କରେ ଯଦି କେହି କିଛି ସୂଚନା ପାଆନ୍ତି, ତେବେ ୯୬୯୨୧୨୦୨୧୨ରେ ଯୋଗାଯୋଗ କରିବାକୁ ପରିବାରବର୍ଗ ଅନୁରୋଧ କରିଛନ୍ତି।