କପି କରି ଧରାପଡ଼ିଲେ ୭ ଜଣ ଛାତ୍ରଛାତ୍ରୀ
କେନ୍ଦୁଝର : ମାଟ୍ରିକ ପରୀକ୍ଷାର ସୋମବାର ଦିନ ଥିଲା ଶେଷ ଦିନ। ସୋମବାର ଦିନ ଗଣିତ ପରୀକ୍ଷାରେ ବୋର୍ଡର ସ୍ୱତନ୍ତ୍ର ସ୍କ୍ବାଡ଼୍ ପକ୍ଷରୁ କପି କରିବା ସମୟରେ ୭ ଜଣ ଛାତ୍ରଛାତ୍ରୀ ଧରାପଡିଛନ୍ତି । ବୋର୍ଡର ସ୍କ୍ବାଡ଼୍ ଡକ୍ଟର ଅକ୍ଷୟ କୁମାର ରଣା ଏବଂ ଡକ୍ଟର ଶିବ ପ୍ରସାଦ ପଣ୍ଡା ପ୍ରଥମେ ହାଟଡିହି ବ୍ଲକ୍ ହାଟଡିହି ସରକାରୀ ହାଇସ୍କୁଲରେ ଯାଞ୍ଚ କରିଥିଲେ । ଏହି ବିଦ୍ୟାଳୟରେ କପି କରିବା ସମୟରେ ୫ଜଣ ଛାତ୍ର ଧରାପଡ଼ିଥିଲେ । କପି ରୋକିବା ପାଇଁ କେନ୍ଦ୍ର ଅଧୀକ୍ଷକ କୌଣସି ପଦକ୍ଷେପ ନେଇ ନଥିବା ଦେଖିବାକୁ ପାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପରେ ଏହି ବ୍ଲକ୍ର ବରାହି ହାଇସ୍କୁଲ ବଞ୍ଚୋରେ ୨ଜଣ ଛାତ୍ର କପି କରୁଥିବା ବେଳେ ଧରାପଡ଼ିଥିଲେ । ଏହି ବିଦ୍ୟାଳୟରେ ସ୍କ୍ବାଡ଼୍ ପହଞ୍ଚିବା ସମୟରେ ବାହାର ଲୋକ କେନ୍ଦ୍ର ଭିତରକୁ ଯାଉଥିବା ଦେଖିବାକୁ ପାଇଥିଲେ । ପରୀକ୍ଷା କେନ୍ଦ୍ର ବାହାରେ ବହୁ ଲୋକ ସମାଗମ ହୋଇଥିଲା। ପୁଲିସକୁ ସୂଚନା ଦେବା ପରେ ଲୋକମାନେ ସେଠାରୁ ଚାଲିଯାଇଥିଲେ। ଚଳିତ ବର୍ଷ କେନ୍ଦୁଝର ଜିଲ୍ଲାର ବହୁ ପରୀକ୍ଷା କେନ୍ଦ୍ରରେ ବ୍ୟାପକ କପି ହେଉଥିବା ପରିଲକ୍ଷିତ ହୋଇଥିଲା।