ଭୁବନେଶ୍ବର: ଶିମିଳିପାଳକୁ ନେଇ ସତ କ’ଣ? କାରଣ ଶିମିଳିପାଳରେ ଲାଗିଥିବା ନିଆଁକୁ ନେଇ ଭିନ୍ନ ମତ ପ୍ରକାଶ ପାଇଛି । ଏହାରି ଭିତରେ ନାସା ଜାରି କରିଛି ଶିମିଳିପାଳର ନୂଆ ଚିତ୍ର। ମହାକାଶରୁ ଉପଗ୍ରହ ମାଧ୍ୟମରେ ନିଆ ଯାଇଥିବା ଏହି ଚିତ୍ରରେ ଜଙ୍ଗଲ ବିଭିନ୍ନ ସ୍ଥାନରେ ‘ରେଡ ସ୍ପଟ୍’ ଅର୍ଥାତ ନିଆଁ ଜଳୁଥିବା ସ୍ପଷ୍ଟ ହୋଇଛି । ସେପଟେ ଶିମିଳିପାଳ ଗସ୍ତରେ ଥିବା ବନ୍ୟପ୍ରାଣୀ ପିସିସିଏଫଙ୍କ କହିବା ହେଲା, ନିଆଁ ସଂପୂର୍ଣ୍ଣ ଆୟତ୍ତରେ ଅଛି । ବିଶେଷ କ୍ଷତିଗ୍ରସ୍ତ ହୋଇନାହିଁ ଶିମିଳିପାଳ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ମହାକାଶ ଗବେଷଣା ସଂସ୍ଥା ନାସା ଶିମିଳିପାଳର ଭୟଙ୍କର ନିଆଁକୁ କ୍ୟାମେରାରେ କଏଦ କରିଛି । ପ୍ରାୟ ୩ ଘଣ୍ଟା ଧରି ଶିମିଳିପାଳର ନିଆଁକୁ ଅନୁଧ୍ୟାନ କରିଛି ନାସା । ନାସାର ଏହି ଅନୁଧ୍ୟାନର ଅନୁଯାୟୀ, ଶିମିଳିପାଳର ପାଖାପାଖି ଶହେଟି ସ୍ଥାନରେ ରେଡ ସ୍ପଟ ଦେଖାଯାଇଛି । ଅର୍ଥାତ ସେହି ସ୍ଥାନରେ ନିଆଁ ଜଳୁଥିବା ଦୃଶ୍ୟ ଏକପ୍ରକାର ସ୍ପଷ୍ଟ ହୋଇଛି । ସେପଟେ ଶିମିଳିପାଳ ନିଆଁ ନେଇ ପିସିସିଏଫ ୱାଇଲଡ ଲାଇଫ ଶଶୀ ପଲ ଦୁଇଦିନ ଧରି ଶିମିଳିପାଳ ଗସ୍ତ କରିଛନ୍ତି । ସେ କହିଛନ୍ତି ଶିମିଳିପାଳ ଜଙ୍ଗଲ ନିୟନ୍ତ୍ରଣରେ ଥିଲା ଓ ଅଛି । ଶୁଖିଲା ପତ୍ର ଓ କେବଳ ବୁଦା ଜଳିଛି ହେଲେ ବଡ ଗଛ ଜଳିନି ।
ତେବେ ଶିମିଳିପାଳ ନିଆଁକୁ ନେଇ ସତ କ’ଣ? କାରଣ ଶିମିଳିପାଳରେ ଲାଗିଥିବା ନିଆଁକୁ ନେଇ ଭିନ୍ନ ମତ ପ୍ରକାଶ ପାଇଛି । ଶିମିଳିପାଳ ଗସ୍ତରେ ଥିବା ବନ୍ୟପ୍ରାଣୀ ପିସିସିଏଫଙ୍କ କହିବା ଅନୁସାରେ ନିଆଁ ସଂପୂର୍ଣ୍ଣ ଆୟତରେ ଅଛି । ସେହିପରିି କିଭଳି ବଡଗଛ କିମ୍ବା ବିରଳ ବନ୍ୟପ୍ରାଣୀଙ୍କର କ୍ଷୟକ୍ଷତି ହୋଇନାହିଁ ବୋଲି ବିଭାଗୀୟ ଉଚ୍ଚ ପଦାଧିକାରୀ କହୁଛନ୍ତି । ମାତ୍ର କିଛି ଗବେଷକ ଓ ପରିବେଶ କାର୍ଯ୍ୟକର୍ତ୍ତା ଏହାକୁ ଗ୍ରହଣ କରିବାକୁ ରାଜି ନୁହନ୍ତି।