ନକଲି ଔଷଧ ମାମଲାର ମୁଖ୍ୟ ଅଭିଯୁକ୍ତ ଶିବ ଜେନା ଗିରଫ
ଭୁବନେଶ୍ବର : ନକଲି ଔଷଧ କାରବାର ମାମଲାରେ ମୁଖ୍ୟ ଅଭିଯୁକ୍ତ ମେଡିଲଏଡ ମେଡିକାମେଣ୍ଟ ସଂସ୍ଥାର ଏମଡି ଶିବ ଜେନାଙ୍କୁ କ୍ରାଇମବ୍ରାଞ୍ଚ ଏସଟିଏଫ୍ ଗିରଫ କରିଛି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଏହି ମାମଲାରେ ୩ ଜଣଙ୍କୁ ଗିରଫ କରିଥିଲା ଏସଟିଏଫ୍ । ସେମାନେ ହେଉଛନ୍ତି ସଂସ୍ଥାର ନିର୍ଦ୍ଦେଶିକା ତଥା ଶିବଙ୍କ ପତ୍ନୀ ଶୁଭଲକ୍ଷ୍ମୀ ଜେନା, ମ୍ୟାନେଜର ପ୍ରୀତିରଞ୍ଜନ ପରିଡ଼ା ଓ ଗୋଡାଉନ୍ ଇନ୍ଚାର୍ଜ ସତ୍ୟପ୍ରକାଶ ମହାନ୍ତି। ଏ ସମସ୍ତଙ୍କୁ ଗିରଫ ପରେ କଟକ ଜିଲ୍ଲା ଦୌରାଜଜ୍ଙ୍କ କୋର୍ଟ ଚାଲାଣ କରାଯାଇଥିଲା। ସେଠାରୁ ଜାମିନ ନାମଞ୍ଜୁର ହେବାରୁ ସେମାନଙ୍କୁ ଚୌଦ୍ବାର ଜେଲ୍ ହାଜତକୁ ପଠାଇ ଦିଆଯାଇଛି।
କଟକର ଏହି କମ୍ପାନି କରୋନା ଚିକିତ୍ସାରେ ବ୍ୟବହାର ହେଉଥିବା ଫାଭିମାକ୍ସ ଭଳି ଏକ ନାମୀ ଓ ଫଳପ୍ରଦ ବ୍ରାଣ୍ଡର ନକଲି ଔଷଧ ସାରା ରାଜ୍ୟରେ ବିକ୍ରି କରି ଲକ୍ଷ ଲକ୍ଷ ଟଙ୍କା ମୁନାଫା କମାଉଥିଲା । ଔଷଧ ଷ୍ଟ୍ରିପ୍ ପିଛା ୬୫ ଟଙ୍କାରେ କିଣା ହେଉଥିଲା, ଆଉ ଖୋଲା ବଜାରରେ ଅସଲି ଦର ଅର୍ଥାତ୍ ୧୨୯୦ ଟଙ୍କାରେ ବିକ୍ରି ହେଉଥିଲା। ଅର୍ଥାତ ୨୦ ଗୁଣା ଅଧିକ ଦରରେ ବିକି ମାଲାମାଲ୍ ହେଉଥିଲେ ଏହି ନକଲି ଔଷଧ ବେପାରୀ।