ଆଜିଠୁ ରାଉରକେଲାରେ ସପ୍ତାହାନ୍ତ ସଟଡାଉନ: ଗଠନ ହେଲା ଏନଫୋର୍ସମେଣ୍ଟ ଟିମ
ରାଉରକେଲା : ସ୍ମାର୍ଟସିଟିରେ ଅଣାୟତ୍ତ ହେଉଛି କରୋନା। ଆଜି ସୁନ୍ଦରଗଡ଼ରୁ ୫୨୩ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି l କରୋନାର ଭୟାବହତାକୁ ଦୃଷ୍ଟିରେ ରଖି ଆଜିଠୁ ସହରରେ ସପ୍ତାହାନ୍ତ ସଟଡାଉନ କରାଯାଇଛି l ସଟଡାଉନ ଯୋଗୁ ସହରର ସମସ୍ତ ଦୋକାନ ବଜାର ବନ୍ଦ ରହିଛି l ଯାଞ୍ଚ ପାଇଁ ଜିଲ୍ଲା ପୁଲିସର ୩୦ ଟି ଏନଫୋର୍ସମେଣ୍ଟ ଟିମ ଗଠନ କରାଯlଇଛି l
Sambad is now on WhatsApp
Join and get latest news updates delivered to you via WhatsApp
ରାଉରକେଲା ଏସପି ମୁକେଶ କୁମାର ଭାମୁ ଭୋର ପ୍ରାୟ ୫ଟାରେ ଉଦିତନଗର ପରେଡ ପଡ଼ିଆକୁ ପୁଲିସର ବରିଷ୍ଠ ଅଧିକାରୀ, ସମସ୍ତ ଥାନା ଅଧିକାରୀଙ୍କୁ ଡକାଇଥିଲେ l ଯାଞ୍ଚକୁ କଡାକଡ଼ି କରିବାକୁ ବୁଝାଇଥିଲେ l ସହରର ୩୦ଟି ପ୍ରମୁଖ ସ୍ଥାନ ଚିହ୍ନଟ ହୋଇଛି l ଏହି ସବୁ ସ୍ଥାନରେ ବରିଷ୍ଟ ପୁଲିସ ଅଧିକାରୀଙ୍କୁ ମୁତୟନ କରାଯାଇଛି l ୩୦ଟି ପିସିଆର ଭ୍ୟାନ ଜରିଆରେ ପାଟ୍ରୋଲିଂ ଆରମ୍ଭ ହୋଇଛି l ସହର ପ୍ରବେଶ ପଥ ପାନପୋଷ, ବିର୍ସା ମୁଣ୍ଡା ଛକରେ ବ୍ୟାପକ ପୁଲିସ ମୁତୟନ କରାଯିବା ସହ ଯାଞ୍ଚକୁ କଡାକଡ଼ି କରାଯାଇଛି l ସହରକୁ ଆସୁଥିବା ଛତିଶଗଡ଼, ଝାରଖଣ୍ଡ ଓ ବିହାର ସମସ୍ତ ବସ ଚଳାଚଳ ବନ୍ଦ ରହିଛି l