ଭଦ୍ରକ/ବାଲେଶ୍ବର/ଯାଜପୁର: ଆଜି ସକାଳ ୧୦ଟାଠାରୁ ୬୦ଘଣ୍ଟିଆ ଭଦ୍ରକ, ବାଲେଶ୍ବର ଓ ଯାଜପୁର ଜିଲ୍ଲାରୁ ସଟ୍ଡାଉନ୍ ଉଠିଯାଇଛି। ଏହି ତିନି ଜିଲ୍ଲାରୁ ସଟ୍ଡାଉନ୍ ଉଠିଯାଇଥିଲେ ମଧ୍ୟ ବାଟଘାଟରେ ବିଶେଷ ଗହଳି ପରିଲକ୍ଷିତ ହୋଇନାହିଁ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ସଟ୍ଡାଉନ୍ ଉଠିଯାଇଥିଲେ ବି ଭଦ୍ରକ ଜିଲ୍ଲାରେ ଥିବା ୧୮ଟି କଣ୍ଟେନମେଣ୍ଟ ଜୋନରେ ଏହା ବଳବତ୍ତର ରହିଛି। ଭଦ୍ରକରେ ଦୋକାନ ବଜାର ଖୋଲିଲା, କିନ୍ତୁ ସେଠାରେ ଗହଳି ପରିଲକ୍ଷିତ ହୋଇନାହିଁ । କିନ୍ତୁ ଭଦ୍ରକ ଜିଲ୍ଲାରେ ୧୬ କରୋନା ସଂକ୍ରମିତ ଚିହ୍ନଟ ହେବା ପରେ ଜିଲ୍ଲାବାସୀ ଆତଙ୍କିତ ଅବସ୍ଥାରେ ଅଛନ୍ତି। ଭଦ୍ରକରେ ସକାଳ ୬ଟା ରୁ ଦିନ ଗୋଟାଏ ଯାଏଁ ଦୋକାନ ଖୋଲା ରହିବ ବୋଲି ଜଣାଯାଇଛି। ସର୍ତ୍ତମୂଳକ ଭାବେ କେବଳ ଲାଇସେନ୍ସ ପ୍ରାପ୍ତ ଦୋକାନ ଖୋଲିବାକୁ ନିର୍ଦେଶ ଦିଆଯାଇଛି।
ଠିକ୍ ସେହିପରି ବାଲେଶ୍ବର ଜିଲ୍ଲାରୁ ସଟ୍ଡାଉନ୍ ଉଠିଯାଇଥିଲେ ବି ବାଲେଶ୍ୱର ସହର ନୀଳିଆବାଗ କଣ୍ଟେନମେଣ୍ଟ ଜୋନ ଅବଧି ଆହୁରି ୭ ଦିନ ବଢ଼ିଛି । ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ ଏହି ସୂଚନା ଦେଇଛନ୍ତି । ଏସଂପର୍କିତ ଏକ ବିଜ୍ଞପ୍ତି ଜାରି କରି ଜିଲ୍ଲା ପ୍ରଶାସନ କହିଛି, କଣ୍ଟେନମେଣ୍ଟ ଜୋନ ଅବଧି ମେ’ମାସ ୨ ତାରିଖ ମଧ୍ୟରାତ୍ରି ପର୍ଯ୍ୟନ୍ତ ଜାରି ରହିବ । ଏହି ଅଞ୍ଚଳରେ ୮ ଜଣ କରୋନା ପଜିଟିଭ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ କଣ୍ଟେନମେଣ୍ଟ ଜୋନ ଘୋଷଣା କରିଥିଲେ । ଏବେ ଏହି ଅଞ୍ଚଳରେ ଲୋକଙ୍କର କଣ୍ଟ୍ରାକ୍ଟ ଟ୍ରେସିଂ ଚାଲିଛି । ଲୋକମାନଙ୍କୁ ଘର ଭିତରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି। ବାଲେଶ୍ୱର ସହର ନୀଳିଆବାଗ କଣ୍ଟେନମେଣ୍ଟ ଜୋନ ଅବଧି ଆହୁରି ୭ ଦିନ ବଢ଼ିଛି ।
ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ ଏହି ସୂଚନା ଦେଇଛନ୍ତି । ଏସଂପର୍କିତ ଏକ ବିଜ୍ଞପ୍ତି ଜାରି କରି ଜିଲ୍ଲା ପ୍ରଶାସନ କହିଛି, କଣ୍ଟେନମେଣ୍ଟ ଜୋନ ଅବଧି ମେ’ମାସ ୨ ତାରିଖ ମଧ୍ୟରାତ୍ରି ପର୍ଯ୍ୟନ୍ତ ଜାରି ରହିବ । ଏହି ଅଞ୍ଚଳରେ ୮ ଜଣ କରୋନା ପଜିଟିଭ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ କଣ୍ଟେନମେଣ୍ଟ ଜୋନ ଘୋଷଣା କରିଥିଲେ । ଏବେ ଏହି ଅଞ୍ଚଳରେ ଲୋକଙ୍କର କଣ୍ଟ୍ରାକ୍ଟ ଟ୍ରେସିଂ ଚାଲିଛି । ଲୋକମାନଙ୍କୁ ଘର ଭିତରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି ।
ଅପରପକ୍ଷରେ ଯାଜପୁର ଜିଲ୍ଲାର ସମସ୍ତ କଣ୍ଟେନମେଣ୍ଟ ଜୋନରେ ସଟଡାଉନ୍ ବଳବତ୍ତର ରହିଛି। ଯାଜପୁରରେ ୨ଟି ପର୍ଯ୍ୟାୟରେ ଦୋକାନ ଖୋଲିବ । ସକାଳ ୬ଟାରୁ ଦିନ ୧୦ ଟା ଓ ଅପରାହ୍ନ ୪ ଟାରୁ ସନ୍ଧ୍ୟା ୭ଟା ଦୋକାନ ଖୋଲିବ ବୋଲି ଜଣାଯାଇଛି।