ରାଜ୍ୟରେ ଏବେ ୩୪ଟି ସ୍ଥାନରେ ବଡ଼ ବନାଗ୍ନି, ଶିମିଳିପାଳର କେବଳ ୩ଟି ସ୍ଥାନରେ ନିଆଁ ଜଳୁଛି
ଭୁବନେଶ୍ବର : ଶିମିଳିପାଳରେ ପହଞ୍ଚି କେନ୍ଦ୍ରୀୟ ଟିମ ନିଆଁ ଲାଗିବାର କାରଣ ଅନୁଧ୍ୟାନ କରିବା ସହ ଜଙ୍ଗଳ ନିଆଁର ସ୍ଥିତି ପରଖୁଛି । ଗତକାଲି ଶିିମିଳିପାଳର ନିଆଁ ଲାଗିଥିବା କିଛି ଅଞ୍ଚଳ ବୁଲି ଦେଖିଥିବା ବେଲେ ଆଜି କୋର ଏରିଆ ଜେନାବିଲ ଓ ଅପର ବାରହାକାମୁଡ଼ା ରେଞ୍ଜରେ ପହଞ୍ଚି ସ୍ଥିତି ଅନୁଧ୍ୟାନ କରୁଛି କେନ୍ଦ୍ରୀୟ ପ୍ରତିନିଧି ଦଳ।
Sambad is now on WhatsApp
Join and get latest news updates delivered to you via WhatsApp
ଗତକାଲି ନୂଆ ଦିଲ୍ଲୀରୁ ଏନଟିସିଏ ଆଇଜି ଅମିତ ମଲ୍ଲିକ ପହଞ୍ଚିବା ପରେ କେନ୍ଦ୍ର ପରିବେଶ ଓ ଜଙ୍ଗଲ ମନ୍ତ୍ରାଳୟର ଉପ-ମହାନିର୍ଦ୍ଦେଶକ ସୁବ୍ରତ ମହାପାତ୍ରଙ୍କ ସହ ଅପରାହ୍ନରେ ଶିମିଳିପାଳରେ ପହଞ୍ଚିଥିଲେ । ଏହାପରେ କରଞ୍ଜିଆ, ଠାକୁରମୁଣ୍ଡା, ଅପର ବାରହାକାମୁଡା ବନାଞ୍ଚଳ ବୁଲି ଦେଖିଛନ୍ତି । ଅନ୍ୟପଟେ ପରିବେଶବିତ ଦାବି କରୁଛନ୍ତି କି ଏବେ ବି ଶିମିଳିପାଳର ଅନେକ ସ୍ଥାନରେ ନିଆଁ ଲାଗିଛି । ଡୁକୁରା, ଭଞ୍ଜବସା, ପୋଡିଡିହାରେ ଏବେ ଜଙ୍ଗଲ ଜଳୁଥିବା କୁହାଯାଉଛି ।
#ForestFireTaskForceOdisha 12.03.21
State has registered 310 forest point alerts as per latest update by FSI with 34 large & continuous points and only 3 fire points in Simlipal today till now. @CMO_Odisha @BKArukha @ForestDeptt @moefcc @pccfodisha @PCCFWL_Odisha pic.twitter.com/udO9b7Mb35— Sandeep Tripathi, IFS (@sandeepifs) March 12, 2021
ସେହିପରି ରାଜ୍ୟରେ କେତୋଟି ସ୍ଥାନରେ ଜଙ୍ଗଲ ଜଳୁଛି ତାର ସୂଚନା ଦେଇଛନ୍ତି ରାଜ୍ୟ ସରକାରଙ୍କ ଟାସ୍କଫୋର୍ସ ମୁଖ୍ୟ ସନ୍ଦୀପ ତ୍ରିପାଠୀ । ଫରେଷ୍ଟ ସର୍ଭେ ଅଫ ଇଣ୍ଡିଆର ତଥ୍ୟକୁ ଆଧାର କରି ଶ୍ରୀ ତ୍ରିପାଠୀ ଟ୍ୱିଟ କରିଛନ୍ତି ଯେ, ରାଜ୍ୟରେ ଆଜି ୨୯୧ଟି ବନାଗ୍ନି ପଏଣ୍ଟ ଚିହ୍ନଟ ହୋଇଛି । ତେବେ ୩୪ଟି ସ୍ଥାନରେ ନିଆଁ ବଡ଼ ଅଞ୍ଚଳରେ ରହିଛି ଓ ନିରନ୍ତର ଜଳୁଛି । ଶିମିଳିପାଳର କେବଳ ୩ଟି ସ୍ଥାନରେ ନିଆଁ ଜଳୁଥିବା ସେ ଟ୍ୱିଟ କରି ସୂଚନା ଦେଇଛନ୍ତି ।