ରାଉରକେଲା: ଗତ ଦୁଇ ସପ୍ତାହ ମଧ୍ୟରେ ରାଉରକେଲା ପୁଲିସ ୫ଟି ଘଟଣାରେ ୬ ଜଣ ଯୁବକଙ୍କୁ ଗିରଫ କରିଛି । ବଣାଇ, ପ୍ଲାଣ୍ଟସାଇଟ ଓ ଛେଣ୍ଡ ଥାନାରେ ଜଣେ ଲେଖାଏଁ ଯୁବକଙ୍କୁ ଗିରଫ ହୋଇଛନ୍ତି । ଗତକାଲି ବ୍ରାହ୍ମଣୀତରଙ୍ଗ ଥାନା ପୁଲିସ ବେଦବ୍ୟାସ ଦାଣ୍ଡିଆପାଲିର ଅନ୍ୟ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ସେହିପରି ଆଜି ରାଉରକେଲା ଝିରିପାଣି ଥାନା ପୁଲିସ ଆଜି ସ୍ଥାନୀୟ ଅଞ୍ଚଳର ଆଉ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଝିରିପାଣି ଥାନା ପରିସରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ରାଉରକେଲା ଏସ୍ପି କେ ଶିବା ସୁବ୍ରମଣୀ ଏହି ସୂଚନା ଦେଇଛନ୍ତି । ସେ କହିଛନ୍ତି, ଗିରଫ ଯୁବକମାନେ ଫେସବୁକ, ହ୍ୱାଟ୍ସଆପରେ ଅଡିଓ ଓ କ୍ଲିପିଂ ପୋଷ୍ଟ କରି ଏକ ନିଦ୍ଦିଷ୍ଟ ସଂପ୍ରଦାୟକୁ ବଦନାମ କରୁଥିଲେ । ଏହି ଯୁବକମାନେ ଏକ ଭିନ୍ନ ଉଦ୍ଦେଶ୍ୟ ରଖି ଏଭଳି ଅପପ୍ରଚାର କରୁଥିଲେ ବୋଲି ଏସ୍ପି କହିଛନ୍ତି ।
ସୂଚନାଯୋଗ୍ୟ, କରୋନାକୁ ନେଇ ସୋସିଆଲ ମିଡିଆରେ ଅପପ୍ରଚାର କରି ପୂର୍ବରୁ ମଧ୍ୟ ରାଜ୍ୟର ବିଭିନ୍ନ ସ୍ଥାନରେ କିଛି ଯୁବକ ଗିରଫ ହୋଇଛନ୍ତି । ରାୟଗଡ଼ା, କଳାହାଣ୍ଡି, ଭଦ୍ରକ ଓ ସମ୍ବଲପୁର ଜିଲ୍ଲାରେ ଗୁଜବ ପ୍ରଚାର କରି ଯୁବକମାନେ ଗିରଫ ହୋଇଛନ୍ତି ।