ଝିଅ ବାହାଘର ପାଇଁ ବର ଦେଖିବାକୁ ବାହାରିଥିଲେ, ବାଟରେ ଓଲଟିଲା ଅଟୋ , ୬ ଆହତ

ଆନନ୍ଦପୁର : ଆନନ୍ଦପୁର-ଠାକୁରମୁଣ୍ଡା ରାସ୍ତାର ସାତକୋଶିଆ ଘାଟି ଠାରେ ଏକ ଅଟୋ ଓଲଟି ୬ଜଣ ଆହତ ହୋଇଛନ୍ତି | ଆହତଙ୍କ ମଧ୍ୟରେ ତିନିଜଣ ମହିଳା ଓ ତିନିଜଣ ପୁରୁଷ ରହିଛନ୍ତି। ସମସ୍ତ ଆହତ ମୟୁରଭଞ୍ଜ, ମହୁଲଡିହା ଥାନା ଜାମୁନଣ୍ଡା ଗାଁର। ଆହତମାନଙ୍କୁ ଆମ୍ବୁଲାନ୍ସ ଯୋଗେ ଆନନ୍ଦପୁର ଚିକିତ୍ସାଳୟ ଠାରେ ଭର୍ତ୍ତି କରାଯାଇଛି।

ଜାମୁନଣ୍ଡା ଗାଁ’ର ମୋରା ସୋରେନ୍ ନିଜ ଝିଅ ବାହାଘର ପାଇଁ ବରପାତ୍ର ଦେଖିବାକୁ ବନ୍ଧୁ ବାନ୍ଧବ ଓ ପରିବାର ଲୋକଙ୍କୁ ଧରି ଅଟୋ ଯୋଗେ ଭଦ୍ରକ ଜିଲ୍ଲା ତାଳବଙ୍କା ଗ୍ରାମକୁ ଯାଉଥିଲେ । ଅଟୋରେ କ୍ଷମତା ଠାରୁ ଅଧିକ ଯାତ୍ରୀ ବସିଥିବାରୁ ଦିନ ଦୁଇଟା ବେଳେ ସାତକୋଶିଆ ଘୋଡା ଘାଟିର ଏକ ବଙ୍କାଣିରେ ଭାରସାମ୍ୟ ହରାଇ ଓଲଟି ପଡିଥିଲା।ପୁଲିସ୍ ଦୁର୍ଘଟଣା ସ୍ଥଳରେ ପହଁଞ୍ଚି ଅଟୋକୁ ଜବତ କରି ଅଧିକ ତଦନ୍ତ ଚଳାଇଛି।