ବିରଳ ପ୍ରଜାତିର ସାପକୁ ବାଟୁଳି ସାହାଯ୍ୟରେ ମାରିଲେ ଲୋକେ

ବାରିପଦା: ମୟୂରଭଞ୍ଜ ଜିଲ୍ଲାରେ ଏକ ଅଭାବନୀୟ ଘଟଣା ଘଟିଛି। ବିରଳ ପ୍ରଜାତିର ସାପକୁ ବାଟୁଳି ସାହାଯ୍ୟରେ ମାରିଦେଲେ ଲୋକେ। ଏପରି ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ବାରିପଦା ବନାଞ୍ଚଳ ଅଧୀନସ୍ଥ ବହଳଦା ବିଟ ଅନ୍ତର୍ଗତ ଗିରିଶଚନ୍ଦ୍ରପୁର ଗ୍ରାମରେ।
ସାପଟି ହେଉଛି ଏକ ବିରଳ ପ୍ରଜାତିର ତମ୍ବା ମୁଣ୍ଡିଆ ଟ୍ରିଙ୍କେଟ। ଏହି ସାପଟି ସିଡ୍ୟୁଲ-୨ ପ୍ରଜାତିର ବୋଲି କୁହାଯାଉଛି। ଏହାର ଲମ୍ବ ୯ ଫୁଟ ଓ ବୟସ ୧୦ ବର୍ଷରୁ ଉର୍ଦ୍ଧ୍ବ ହେବ ବୋଲି ଅନୁମାନ କରାଯାଉଛି।

ତେବେ ଉକ୍ତ ଘଟଣାକୁ ନେଇ ଡିଏଫଓଙ୍କ ସହ ଯୋଗାଯୋଗ କରାଯିବାରୁ ସେ ଏହି ବିଷୟରେ ଅବଗତ ଥିବା କହିବା ସହିତ କେଉଁ ପରିସ୍ଥିତିରେ ସାପଟିକୁ ମରାଯାଇଛି, ତାର ତଦନ୍ତ କରିବେ ବୋଲି କହିଛନ୍ତି। ତେବେ ଏହି ଅଞ୍ଚଳରେ ବାରମ୍ବାର ଏହିପରି ଘଟଣା ଘଟୁଥିବାର ନଜର ଆସୁଛି।