ଭୁବନେଶ୍ୱର: ଭୁବନେଶ୍ୱର ପଟିଆରେ ମଙ୍ଗଳବାର ସ୍କୁଲ ଯିବା ପାଇଁ ଜୋତା ପିନ୍ଧୁଥିବା ସମୟରେ ଜୋତା ଭିତରକୁ ନାଗସାପ ବାହାରିଥିବା ଖବର ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବୁଲୁ ରଞ୍ଜନ ରାଉତଙ୍କ ୭ ବର୍ଷର ପୁଅ ରିଷଭ ସ୍କୁଲ ଯିବା ପାଇଁ ମଙ୍ଗଳବାର ସକାଳେ ଜୋତା ପିନ୍ଧୁଥିବା ସମୟରେ ଜୋତା ଭିତରେ ଏକ ନାଗ ସାପଟି ଥିଲା। ରିଷଭ ଜୋତା ଭିତରେ ଗୋଡ଼ ପୂରାଇ ଦେବାରୁ ସାପଟି ତାର ପାଦ ଆଙ୍ଗୁଳିକୁ ଚେଟ ମାରିଥିଲା। ରିଷଭଙ୍କ ଜେଜେ ସାଙ୍ଗେସାଙ୍ଗେ ଜୋତାକୁ ଝାଡିଦେବାରୁ ସେଥିରେ ଥିବା ନାଗ ସାପ ଛୁଆ ବାହାରି ପଳାଇଥିଲା। ତେବେ ସାପଟି ରିଷଭଙ୍କୁ କାମୁଡିଥିବାରୁ ତାଙ୍କୁ ତୁରନ୍ତ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲ ନିଆଯାଇଥିଲା । ରିଷଭ ମୋଟା ସକ୍ସ ପିନ୍ଧିଥିବାରୁ ସାପ କାମୁଡିଥିଲେ ହେଁ ତାର ବିଷ ଶରୀର ଭିତରକୁ ଯାଇପାରି ନଥିଲା ବୋଲିି ଡାକ୍ତରଙ୍କ ପକ୍ଷରୁ ପ୍ରକାଶ। ଏବେ ରିଷଭ ସୁସ୍ଥ ଥିବା ଜଣାପଡିଛି । ଏହି ସାପ ବିଷୟରେ ଖବର ପାଇବା ପରେ ସ୍ନେକ ହେଲପ ଲାଇନ ସଦସ୍ୟ ଘଟଣାସ୍ଥଳରେ ସାପଟିକୁ ଉଦ୍ଧାର କରିଥିଲେ ।