ନବରଙ୍ଗପୁର: ୬ ଫୁଟ ଲମ୍ବା ଅଜଗର ସାପ ଉଦ୍ଧାର
ନବରଙ୍ଗପୁର: ନବରଙ୍ଗପୁର ଜିଲ୍ଲାର ଚନ୍ଦାହାଣ୍ଡି ବ୍ଲକ୍ ଅନ୍ତର୍ଗତ ଦଣ୍ଡାମୁଣ୍ଡା ଗ୍ରାମରେ ଏକ ବିରାଟ ଅଜଗର ସାପ ଉଦ୍ଧାର ହୋଇଛି। ମିଳିଥିବା ସୂଚନା ଅନୁଯାୟୀ, ଦଣ୍ଡାମୁଣ୍ଡା ଗ୍ରାମରେ ଥିବା ଜଗନ୍ନାଥ ମନ୍ଦିର ସମ୍ମୁଖରୁ ଗତକାଲି ରାତିରେ ପ୍ରାୟ ୬ ଫୁଟ ଲମ୍ବା ଏକ ବିରାଟ ଅଜଗର ସାପକୁ ଉଦ୍ଧାର କରାଯାଇଛି। ଦଣ୍ଡାମୁଣ୍ଡା ଗ୍ରାମର ଯୁବକମାନେ ଏହାକୁ ଉଦ୍ଧାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗାଁର ରିଙ୍କୁ, ଧରମ,ରବୀନ୍ଦ୍ର, କୁଞ୍ଜ ବିହାରୀ,ଭକ୍ତ ନାୟକ ଓ ଉଦୟ ପ୍ରମୁଖ ଅଜଗରକୁ ଉଦ୍ଧାର କରିବା ପରେ ବନ ବିଭାଗକୁ ଖବର ଦେଇଥିଲେ। ଖବର ପାଇ ଚନ୍ଦାହାଣ୍ଡି ଫରେଷ୍ଟର୍ ପ୍ରଦୀପ କୁମାର ଦାଶ ଦଣ୍ଡାମୁଣ୍ଡାରେ ପହଞ୍ଚି ଅଜଗରକୁ ଉଦ୍ଧାର କରି ନିକଟସ୍ଥ ଜଙ୍ଗଲରେ ଛାଡ଼ିଥିଲେ ।