ସେପ୍ଟେମ୍ବର ୨୭ ପର୍ଯ୍ୟନ୍ତ ‘ଏଓବିଏସଜେଡସି’ର ସ୍ଥାପନା ଦିବସ ପାଳିବେ ନକ୍ସଲ
ମାଲକାନଗିରି: ଆନ୍ଧ୍ର-ଓଡ଼ିଶା ସ୍ପେଶାଲ ଜୋନାଲ କମିଟି ତରଫରୁ ଆଜି ଏକ ପ୍ରେସ ବିଜ୍ଞପ୍ତି ପ୍ରକାଶ କରାଇଯାଇ ଚଳିତ ମାସ ୨୧ରୁ ୨୭ ତାରିଖ ପର୍ଯ୍ୟନ୍ତ ଆନ୍ଧ୍ର ଓଡ଼ିଶା ସ୍ପେଶାଲ ଜୋନାଲ କମିଟି (ଏଓବିଏସଜେଡସି)ର ୧୮ତମ ସ୍ଥାପନା ଦିବସ ପାଳନ କରାଯିବ। ଏହି କାର୍ଯ୍ୟକ୍ରମକୁ ମାଲକାନଗିରି ଏବଂ ପଡୋଶୀ ଆନ୍ଧ୍ରର ସମସ୍ତ ଗ୍ରାମରେ ପାଳନ କରିବାକୁ ନକ୍ସଲ ଆହ୍ବାନ କରିଛନ୍ତି। ଏହି ଅବସରରେ ଲୋକଙ୍କୁ ନିଜ ଆଡ଼କୁ ଆଣିବା ପାଇଁ ନକ୍ସଲ ପ୍ରୟାସ ଆରମ୍ଭ କରିଛନ୍ତି। ଏକ ଗୁପ୍ତ ପାର୍ଟି ଗଠନ କରି ପୁଲିସର ସମସ୍ତ ଚାଲକୁ ପରାସ୍ତ କରିବା ପାଇଁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଜନଆନ୍ଦୋଳନର ନେତୃତ୍ବ ନେଉଥିବା ମାଓବାଦୀ ପାର୍ଟିର ଶ୍ରମିକ ଶ୍ରେଣୀର ଭାନୁଗାର୍ଡ ଫୋର୍ସ ଆଜିଠାରୁ ଚଳିତ ମାସ ୨୭ ତାରିଖ ପର୍ଯ୍ୟନ୍ତ ପାଳନ କରିବ। ଏହି ଦିବସକୁ ସମସ୍ତ ଗ୍ରାମାଞ୍ଚଳ ଏବଂ ସହରାଞ୍ଚଳରେ ବାସ କରୁଥିବା ଲୋକେ ଉତ୍ସାହର ସହ ପାଳନ କରନ୍ତୁ ବୋଲି ଆହ୍ବାନ କରାଯାଇଛି। ଏହି ଦିବସର ମୁଖ୍ୟ ଉଦେଶ୍ୟ ହେଲା ସରକାରଙ୍କର ସମାଧାନ ଏବଂ ପ୍ରହାରକୁ ପରାସ୍ତ କରି ଜନଯୁଦ୍ଧକୁ ଆଗକୁ ନେବା। ଶତ୍ରୁରର ସମସ୍ତ ଚାଲ ଏବଂ ସମସ୍ତ ମାନସିକ ଯୁଦ୍ଧକୁ ମଧ୍ୟ ପରାସ୍ତ କରିବା।
ନକ୍ସଲମାନେ ଆହ୍ବାନ କରିଛନ୍ତି ଯେ, ଆମ ଦେଶରେ ପତିତ ଅର୍ଦ୍ଧ-ଉପନିବେଶ ଏବଂ ଅର୍ଦ୍ଧ-ସାମ୍ରାଜ୍ୟ ପ୍ରଣାଳୀକୁ ନଷ୍ଟ କରିବା, ନୂତନ ଗଣତାନ୍ତ୍ରିକ ବିପ୍ଲବ କରି ଜିତିବା, ବିଶ୍ବରେ ସମାଜବାଦ ଏବଂ ସାମ୍ପ୍ରଦାୟିକତା ପ୍ରତିଷ୍ଠା ଲକ୍ଷ୍ୟରେ କାର୍ଯ୍ୟ କରିବା ବୋଲି ଦଳ ଆହ୍ବାନ କରୁଛି। ଶତ୍ରୁ ଦ୍ବାରା ଆରମ୍ଭ କରାଯାଇଥିବା ସମାଧାନ ଏବଂ ପ୍ରହାର ଦ୍ବାରା ଆମର ୧୨୪ ଜଣ ସାଥୀ ସହିଦ ହୋଇଥିଲେ ବୋଲି କୁହାଯାଇଛି। ସେଥିମଧ୍ୟରୁ ଆମର ପ୍ରିୟ ସାଥୀ କମ୍ରେଡ ରାମକୃଷ୍ଣ ଅରଫ ଆକିରାଜୁ ହରଗୋପାଲ ରହିଛନ୍ତି, ଯିଏକି ଗତ ୨୦ ବର୍ଷ ଧରି ଏହି ଆନ୍ଦୋଳନକୁ ସିଧାସଳଖ ନେତୃତ୍ବ ନେଇଥିଲେ। ଆନ୍ଧ୍ର-ଓଡିଶା ସୀମାରେ ହୋଇଥିବା ଏନକାଉଣ୍ଟରରେ ଆମର କମ୍ରେଡ ଡାପୁ ରମେଶ, ଅନିଲ, ସୋନି, ଚିନ୍ନା ରାଓ ନିଜର ଜୀବନକୁ ଉତ୍ସର୍ଗ କରିଥିଲେ। ସେମାନଙ୍କର ଆଦର୍ଶକୁ ଅନୁପ୍ରାଣିତ କରି ଏହି ଯୁଦ୍ଧକୁ ଆଗକୁ ନେବାକୁ ଆହ୍ବାନ କରାଯାଇଛି।