ବାପାମାଆଙ୍କୁ ମାଡ଼, ପୁଅକୁ ୬ ବର୍ଷ ଜେଲ୍

ଆସିକା : ବାପାମାଆଙ୍କୁ ପୁଅ ମାଡ଼ ମାରିଥିବା ମାମଲାର ବିଚାରଣା କରି ଆସିକା କନିଷ୍ଠ ଦେୱାନୀ କୋର୍ଟ ବିଚାରପତି ସମାପିକା ସମଦର୍ଶିନୀ ଚୂଡ଼ାନ୍ତ ରାୟ ଶୁଣାଇଛନ୍ତି। ସମସ୍ତ ସାକ୍ଷ୍ୟ ଓ ପ୍ରମାଣକୁ ଭିତ୍ତି କରି ଅଭିଯୁକ୍ତ ପୁଅ ତଥା ଗାଙ୍ଗପୁର ଥାନା କଳାସୁତା ଗ୍ରାମର ବଂଶୀଧର ଗୌଡ଼କୁ ଦୋଷୀ ସାବ୍ୟସ୍ତ କରିବା ସହ ୬ ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି। ଏହାସହ ୬ ହଜାର ଜରିମାନା ଦଣ୍ଡ ଦେଇଛନ୍ତି।

୨୦୧୩ ମସିହାରେ ବଂଶୀଧର ନିଜ ବାପା କାଶୀନାଥ, ମାଆ ପଦ୍ମା ଓ ଭଉଣୀ ଟିକିଙ୍କୁ ମାଡ଼ ମାରିଥିଲା। ଏନେଇ ଗାଙ୍ଗପୁର ଥାନାରେ ମାମଲା ରୁଜୁ ପରେ ତାକୁ କୋର୍ଟ ଚାଲାଣ କରା ଯାଇଥିଲା। ଆଜି ମାମଲାର ରାୟ ପ୍ରକାଶ ପାଇଛି। ଆଇନଜୀବୀ ବି.ମୋହନ ରାଓ ଦୋରା ସରକାରଙ୍କ ପକ୍ଷରୁ ମକଦ୍ଦମା ପରିଚାଳନା କରିଥିଲେ।