ମଦ ପାଇଁ ଟଙ୍କା ନଦେବାରୁ ବାପାକୁ ହତ୍ୟା
କବିସୂର୍ଯ୍ୟନଗର : ମଦ ପିଇବାକୁ ଟଙ୍କା ନଦେବାରୁ ହିତାହିତ ଜ୍ଞାନ ଭୁଲିଯାଇ ବାପାଙ୍କୁ ଅତି ନିର୍ମମ ଭାବେ ହତ୍ୟା କରିଛି ଜନ୍ମ କଲା ପୁଅ। ଗତକାଲି ରାତିରେ ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ମହାଛାଇ ଗ୍ରାମରେ ଏଭଳି ଘଟଣା ଘଟିଛି। ମୃତକ ହେଲେ କରୁଣାକର ସାହୁ। ଏ ନେଇ କରୁଣାକରଙ୍କ ବଡ଼ ପୁଅ କେଶବ ସାହୁ ଥାନାରେ ଅଭିଯୋଗ କରିବା ପରେ କବିସୂର୍ଯ୍ୟନଗର ପୁଲିସ ଘଟଣାସ୍ଥଳରେ ପହଞ୍ଚି ହତ୍ୟା ମାମଲା ରୁଜୁ କରିଛି। ଘଟଣାସ୍ଥଳରୁ ଅଭିଯୁକ୍ତ ସାନ ପୁଅ ପ୍ରତାପ ଫେରାର ହୋଇ ଯାଇଥିବା ବେଳେ ପୁଲିସ ତଦନ୍ତ ଚଳାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ପ୍ରକାରେ, ଗତକାଲି ରାତିରେ କରୁଣାକରଙ୍କ ସାନପୁଅ ପ୍ରତାପ ମଦ ପିଇବା ଲାଗି ଟଙ୍କା ମାଗିଥିଲା। ବାପା ଟଙ୍କା ନଦେବାରୁ ପ୍ରତାପ ବାପା କରୁଣାକରଙ୍କୁ ପ୍ରଥମେ ଠେଙ୍ଗାରେ ମାଡ଼ ମାରିବା ସହ ଏକ ଛୁରାରେ ପେଟକୁ ଭୁସି ଦେଇ ଫେରାର ହୋଇ ଯାଇଥିଲା। ପରିବାର ଲୋକେ ତୁରନ୍ତ କରୁଣାକରଙ୍କୁ ଚିକିତ୍ସା ନିମନ୍ତେ ହିଞ୍ଜିଳିକାଟୁ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।