ଭୁବନେଶ୍ୱର: ସୋନପୁରରେ ଆଜି ୪୪.୨ ଡିଗ୍ରି ତାପମାତ୍ରା ରେକର୍ଡ ହୋଇଛି। ଏହା ଦେଶର ସର୍ବାଧିକ ଉତ୍ତପ୍ତ ସହର ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। ପାଣିପାଗ ବିଜ୍ଞାନୀ ଉମାଶଙ୍କର ଦାସ କହିଛନ୍ତି ଯେ, ସୋନପୁରରେ ଆଜି ରେକର୍ଡ ତାପମାତ୍ରା ରେକର୍ଡ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ରାଜ୍ୟର ୧୬ଟି ସହରର ତାପମାତ୍ର ୪୦ ଡିଗ୍ରି ଉପରେ ଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି। ସୂଚନା ଅନୁସାରେ ଆଜି ବାଲେଶ୍ୱରରେ ୪୦.୦ ଡିଗ୍ରି ତାପମାତ୍ରା ରେକର୍ଡ କରାଯାଇଛି। ସେହିପରି ଅନୁଗୁଳରେ ୪୧.୭, ବାରିପଦାରେ ୪୨.୫, ଝାରସୁଗୁଡ଼ାରେ ୪୨.୨, ସମ୍ବଲପୁରରେ ୪୦.୮, ସୁନ୍ଦରଗଡ଼ରେ ୪୧.୫, ତାଳଚେରରେ ୪୧.୮, ଭବାନୀପାଟଣାରେ ୪୦.୫, ବଲାଙ୍ଗୀରରେ ୪୨.୮, ଟିଟିଲାଗଡ଼ରେ ୪୧.୫, ମାଲକାନଗିରିରେ ୪୦.୦, ନୟାଗଡ଼ରେ ୪୦.୫, ବୌଦ୍ଧରେ ୪୨.୦, ଛତ୍ରପୁରରେ ୪୦.୦ ଓ ପାରଳାଖେମୁଣ୍ଡିରେ ୪୧.୦ ଡିଗ୍ରି ତାପମାତ୍ରା ରେକର୍ଡ ହୋଇଛି। ସେହିପରି ଆଜି ଭୁବନେଶ୍ୱରରେ ୩୭.୭ ଓ କଟକରେ ୩୮.୭ ଡିଗ୍ରି ତାପମାତ୍ରା ରେକର୍ଡ କରାଯାଇଛି।