ଭୁବନେଶ୍ୱର: ବିଧାନସଭାରେ ଆଜି ଠାରୁ ୨ଦିନ ଧରି ନବନିର୍ବାଚିତ ବିଧାୟକମାନେ ଶପଥ ଗ୍ରହଣ କରିବା କାର୍ଯ୍ୟକ୍ରମ ରହିଛି । ଏହି କ୍ରମରେ ଆଜି ନବ ନିର୍ବାଚିତ ବିଧାୟକ ଭାବେ ଶପଥ ନେଇଛନ୍ତି ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ । କାମଚଳା ବାଚସ୍ପତି ଅମର ଶତପଥୀ ଶପଥପାଠ କରାଇଥିବା ଜଣା ପଡ଼ିଛି । ବିଧାନସଭାରେ ତାଙ୍କ ଉପସ୍ଥିତି ବେଶ୍ ଉପଯୋଗୀ ହୋଇପାରିବ ବୋଲି କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ପ୍ରଥମେ ବିଧାନସଭାରେ ଶପଥ ଗ୍ରହଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଇତିମଧ୍ୟରେ ବିକ୍ରମ କେଶରୀ ଆରୁଖ୍, ଅରୁଣ ସାହୁ, ସୁଦାମ ମାରାଣ୍ଡି, ବଦ୍ରି ପାତ୍ର,ଅନନ୍ତ ଦାସ, ପ୍ରଫୁଲ୍ଲ ମଲ୍ଲିକ, ଭୂପିନ୍ଦର ସିଂହ, ନିତ୍ୟାନନ୍ଦ ସାହୁ, ପୂର୍ଣ୍ଣଚନ୍ଦ୍ର ସ୍ୱାଇଁ, ଧ୍ରୁବ ଚରଣ ସାହୁ, ଶ୍ରୀକାନ୍ତ ସାହୁ, ଶଶୀଭୂଷଣ ବେହେରା, ପ୍ରଣବ ପ୍ରକାଶ ଦାସ, ଭାଗିରଥୀ ସେଠୀ, ପ୍ରଣବ ବଳବନ୍ତରାୟ, ରଘୁନନ୍ଦନ ଦାସ ଏବଂ ପ୍ରମିଳା ମଲ୍ଲିକ ପ୍ରମୁଖ ବିଧାୟକମାନେ ଶପଥ ନେଇସାରିଥିବା ଜଣାପଡ଼ିଛି ।
ଅନ୍ୟ ବିଧାୟକମାନେ ଦୁଇ ଦିନ ଧରି ସକାଳ ୧୦ଟାରୁ ଅପରାହ୍ନ ୫ଟା ମଧ୍ୟରେ ଶପଥ ଗ୍ରହଣ କରିବେ । କାମଚଳା ବାଚସ୍ପତି ଅମର ଶତପଥୀ ନବନିର୍ବାଚିତ ବିଧାୟକଙ୍କୁ ଶପଥପାଠ କରାଇବା ସହ ଜୁନ ପହିଲା ପୂର୍ବାହ୍ନ ୧୦ଟାରେ ହେବ ବିଧାନସଭାର ବାଚସ୍ପତି ନିର୍ବାଚନ ହେବ ବୋଲି ଜଣା ପଡ଼ିଛି । ବିଜେଡି ପକ୍ଷରୁ ପୂର୍ବତନ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କ ନାମ ବାଚସ୍ପତି ଭାବେ ଘୋଷଣା କରାଯାଇଛି । ବିଜେଡି ସଂଖାଗରିଷ୍ଠତା ଥିବାରୁ ସୂର୍ଯ୍ୟ ନାରାୟଣ ପାତ୍ର ବାଚସ୍ପତି ଭାବେ ନିର୍ବାଚିତ ହେବା ସ୍ପଷ୍ଟ ହୋଇଛି ।