ଯୁକ୍ତ ଦୁଇ ପରୀକ୍ଷା ଫଳ: ପ୍ରାଣନାଥ ମହାବିଦ୍ୟାଳୟର ବାଣିଜ୍ୟରେ ମୋନାଲିସା, ବିଜ୍ଞାନରେ ସୌମ୍ୟରଂଜନ ଟପ୍ପର
ଖୋର୍ଦ୍ଧା: ଆଜି ସିଏଚ୍ଏସ୍ଇର ଯୁକ୍ତ ଦୁଇ ବାଣିଜ୍ୟ ଓ ବିଜ୍ଞାନ ପରୀକ୍ଷା ଫଳ ପ୍ରକାଶିତ ହୋଇଛି। ଖୋର୍ଦ୍ଧା ଉପଖଣ୍ଡର ପୁରାତନ ଓ ବୃହତ ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟର ସୌମ୍ୟ ରଂଜନ ସାହୁ ସର୍ବାଧିକ ୫୪୦ ନମ୍ବର ଓ ମୋନାଲିସା ବିଶ୍ୱାଳ ସର୍ବାଧିକ ୫୧୯ ନମ୍ବର ରଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରାଣନାଥ ମହାବିଦ୍ୟାଳୟରୁ ମିଳିଥିବା ସୂଚନାନୁସାରେ, ଚଳିତ ଯୁକ୍ତ ଦୁଇ ବିଜ୍ଞାନରେ ୫୬୪ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ସେମାନଙ୍କ ମଧ୍ୟରୁ ୫୨୭ ଜଣ ଅର୍ଥାତ୍ ୯୩ ପ୍ରତିଶତ ଉତ୍ତୀର୍ଣ୍ଣ ହୋଇଛନ୍ତି । ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀଙ୍କ ମଧ୍ୟରେ ୩୫୦ଜଣ ପ୍ରଥମ ଶ୍ରେଣୀ, ୧୪୮ଜଣ ଦ୍ୱିତୀୟ ଶ୍ରେଣୀ ଓ ୨୯ଜଣ ତୃତୀୟ ଶ୍ରେଣୀରେ ପାସ୍ କରିଛନ୍ତି । ସେହିଭଳି, ବାଣିଜ୍ୟରେ ପରୀକ୍ଷା ଦେଇଥିବା ୩୧୯ ଜଣଙ୍କ ମଧ୍ୟରୁ ୩୦୮ ଜଣ ଉତ୍ତୀର୍ଣ୍ଣ ହୋଇଥିବା ବେଳେ ଉତ୍ତୀର୍ଣ୍ଣ ହାର ୯୬.୫୬ ପ୍ରତିଶତ ରହିଛି । ବିଜ୍ଞାନରେ, ମହାବିଦ୍ୟାଳୟର ସୌମ୍ୟ ରଂଜନ ସାହୁ ମୋଟ ୬ଶହରୁ ୫୪୦ ନମ୍ବର ରଖିଥିବା ବେଳେ ମୋନାଲିସା ମହାରଣା ୫୩୧, ଓମ୍ ପ୍ରକାଶ ସାହୁ ୫୨୭, ଅମର କୁମାର ପ୍ରଧାନ ୫୨୧, ସ୍ମୃତି ରଂଜନ ପଟ୍ଟନାୟକ ୫୨୦, ମେହେତାବ ଆଲାମ୍ ୫୨୦ ରଖି ପ୍ରଥମ ୫ ଜଣରେ ସ୍ଥାନ ପାଇଛନ୍ତି । ବାଣିଜ୍ୟରେ, ମୋନାଲିସା ବିଶ୍ୱାଳ ୫୧୯, ବିଶ୍ୱଜିତ ସାହୁ ୫୦୯, ପ୍ରିୟଙ୍କା ପ୍ରିୟଦର୍ଶିନୀ ସ୍ୱାଇଁ ୫୦୬, ଆକୃତି ମିଶ୍ର ୫୦୨, ସଂଧ୍ୟା ପ୍ରଧାନ ୫୦୨ ନମ୍ବର ରଖି ପ୍ରଥମ ୫ଜଣରେ ସ୍ଥାନ ପାଇଛନ୍ତି ।
ସେହିଭଳି ହଳଦିଆ ମହାବିଦ୍ୟାଳୟରେ ବାଣିଜ୍ୟରେ ଚଳିତ ବର୍ଷ ପରୀକ୍ଷା ଫଳ ଶତପ୍ରତିଶତ ରହିଛି । ମହାବିଦ୍ୟାଳୟ ଅଧ୍ୟକ୍ଷଙ୍କ ସୂଚନାନୁସାରେ, ବିଜ୍ଞାନରେ ପରୀକ୍ଷା ଦେଇଥିବା ୧୦ଜଣ ଉତ୍ତୀର୍ଣ୍ଣ ହୋଇଥିବା ବେଳେ ସେଥିମଧ୍ୟରୁ ପ୍ରଥମ ସ୍ଥାନରେ ୩, ଦ୍ୱିତୀୟ ସ୍ଥାନରେ ୨ ଓ ୫ଜଣ ତୃତୀୟ ସ୍ଥାନ ପାଇଛନ୍ତି । ରାକେଶ କୁମାର ସାହୁ ସର୍ବାଧିକ ୪୭୪ ନମ୍ବର ରଖି ମହାବିଦ୍ୟାଳୟରେ ଟପ୍ର ହୋଇଛନ୍ତି । ବାଣିଜ୍ୟରେ ୧୦ଜଣ ପରୀକ୍ଷାର୍ଥୀଙ୍କ ମଧ୍ୟରୁ ସମସ୍ତେ ଉତ୍ତୀର୍ଣ୍ଣ ହୋଇଛନ୍ତି । ପ୍ରଥମ ସ୍ଥାନରେ ୨, ଦ୍ୱିତୀୟ ସ୍ଥାନରେ ଜଣେ ଓ ତୃତୀୟ ସ୍ଥାନରେ ୭ଜଣ ଉତ୍ତୀର୍ଣ୍ଣ ହୋଇଥିବା ବେଳେ ସରସ୍ୱତୀ ବେହେରା ସର୍ବୋଚ୍ତ ୪୪୮ ନମ୍ବର ରଖିଛନ୍ତି । ଖୋର୍ଦ୍ଧା ମହିଳା ମହାବିଦ୍ୟାଳୟରେ ଚଳିତ ବର୍ଷ ବାଣିଜ୍ୟ ବିଭାଗରେ ୪ଜଣ ଛାତ୍ରୀ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୩ ଜଣ ଦ୍ୱିତୀୟ ସ୍ଥାନ ରଖି ଉତ୍ତୀର୍ଣ୍ଣ ହୋଇଛନ୍ତି ।