ଏସ୍ପି, ବିଡିଓଙ୍କୁ ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀଙ୍କ ପ୍ରଶଂସା
ଭୁବନେଶ୍ବର : ଗତକାଲି ଦୁଇଟି ଘଟଣାରେ ମାନବିକତାର ପରିଚୟ ଦେଇଥିବା ବରଗଡ଼ ଏସ୍ପି ମୁକେଶ ଭାମୁ ଏବଂ ବଲାଙ୍ଗୀର ଜିଲ୍ଲା ଅନ୍ତର୍ଗତ ଖପ୍ରାଖୋଲର ବିଡିଓ ତରଣୀ ସୁନାଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଶଂସା କରିଛନ୍ତି। ‘ସରକାରୀ ବାବୁଙ୍କ ମାନବିକତା’ ଶୀଷର୍କରେ ଆଜି ‘ସମ୍ବାଦ’ରେ ପ୍ରକାଶିତ ଖବରକୁ ନେଇ ଉଭୟ ଟ୍ବିଟ୍ରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏସ୍ପି ଶ୍ରୀ ଭାମୁ ଦୁର୍ଘଟଣାଗ୍ରସ୍ତ ୨ ଜଣ ବାଇକ୍ ଆରୋହୀଙ୍କୁ ନିଜ ଗାଡ଼ିରେ ହସ୍ପିଟାଲ ପଠାଇ ନିଜେ ଲିଫ୍ଟ ମାଗି ଅଫିସ୍ରେ ପହଞ୍ଚିଥିଲେ। ସେହିଭଳି, ବିଡିଓ ଶ୍ରୀ ସୁନା ଜଣେ ମୃତ ଅସହାୟ ଲୋକଙ୍କୁ କାନ୍ଧ ଦେଇ ତାଙ୍କର ସତ୍କାର କରିଥିଲେ।