କଟକ : ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ପକ୍ଷରୁ ଗତବର୍ଷ ଅଗଷ୍ଟ ମାସରେ ଅନୁଷ୍ଠିତ ସ୍ବତନ୍ତ୍ର ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା(ଓଟିଇଟି) ଫଳ ସୋମବାର ଅପରାହ୍ନରେ ବୋର୍ଡ କାର୍ଯ୍ୟାଳୟ ପ୍ରକାଶ ପାଇଛି। ଏଥିରେ ସାମଗ୍ରିକ ପାସ୍ ହାର ୪୯.୮୪ ପ୍ରତିଶତ ରହିଛି। ପେପର-୧ରେ ପାସ୍ ହାର ୪୭.୯୭ ପ୍ରତିଶତ ରହିଥିବା ବେଳେ ପେପର-୨ରେ ପାସ୍ ହାର ରହିଛି ୫୬ ପ୍ରତିଶତ। ପେପର-୧ରେ ୨୪୯୨୦ ଜଣ ଫର୍ମପୂରଣ କରିଥିବା ବେଳେ ୨୪୨୩୬ଜଣ ପରୀକ୍ଷା ଦେଇଥିଲେ। ସେଥିରୁ ୧୧,୯୫୫ଜଣ ପାସ୍ କରିଛନ୍ତି। ସେହିପରି ପେପର-୨ରେ ୭୫୨୮ଜଣ ଫର୍ମପୂରଣ କରିଥିବା ବେଳେ ୭୨୫୬ଜଣ ପରୀକ୍ଷା ଦେଇଥିଲେ। ସେଥିରୁ ୪୨୧୬ଜଣ ପାସ୍ କରିଛନ୍ତି। ଏହି ପରୀକ୍ଷାଫଳ ବୋର୍ଡ ୱେବ୍‌ସାଇଟ୍‌ www.bseodisha.ac.in ରେ ଉପଲବ୍ଧ ବୋଲି ବୋର୍ଡ ପକ୍ଷରୁ ସୂଚନା ଦିଆଯାଇଛି।