ପାର୍ବଣରେ ଗଡ଼ିବ ସ୍ୱତନ୍ତ୍ର ଟ୍ରେନ
ଭୁବନେଶ୍ବର : ପାର୍ବଣ ଋତୁରେ ଯାତ୍ରୀମାନଙ୍କ ଭିଡ଼ ଏଡ଼ାଇବା ପାଇଁ ପୂର୍ବତଟ ରେଳପଥ ପକ୍ଷରୁ ଦେଶର ବିଭିନ୍ନ ସ୍ଥାନକୁ ଅତିରିକ୍ତ ସ୍ୱତନ୍ତ୍ର ଟ୍ରେନ୍ ଚଳାଇବା ପାଇଁ ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି। ପୁରୀ-ପାଟଣା-ପୁରୀ ସ୍ପେସାଲ୍ ଟ୍ରେନ୍(୦୮୪୩୯/୦୮୪୪୦) ଅକ୍ଟୋବର ୧୬ରୁ ୩୧ ମଧ୍ୟରେ ପ୍ରତି ଶନିବାର ପୁରୀରୁ ଅପରାହ୍ଣ ୨ଟା ୫୫ରେ ଛାଡ଼ିବ। ଫେରିବା ଦିଗରେ ଏହି ଟ୍ରେନ୍ ପ୍ରତି ରବିବାର ଅପରାହ୍ଣ ୧ଟା ୪୫ରେ ପାଟଣାରୁ ଛାଡ଼ିବ।
Sambad is now on WhatsApp
Join and get latest news updates delivered to you via WhatsApp
ସେହିପରି ବିଶାଖାପାଟଣା-ସିକନ୍ଦରାବାଦ-ବିଶାଖାପାଟଣା ସ୍ପେସାଲ୍(୦୮୫୭୯/୦୮୫୮୦) ଅକ୍ଟୋବର ୧୩ରୁ ୨୮ ମଧ୍ୟରେ ପ୍ରତି ବୁଧବାର ବିଶାଖାପାଟଣାରୁ ସନ୍ଧ୍ୟା ୭ଟାରେ ଛାଡ଼ିବ ଏବଂ ଫେରିବା ବାଟରେ ଏହା ସିକନ୍ଦରାବାଦରୁ ପ୍ରତି ଗୁରୁବାର ସନ୍ଧ୍ୟା ୭ଟା ୪୦ରେ ଛାଡ଼ିବ। ବିଶାଖାପାଟଣା-ତିରୁପତି-ବିଶାଖାପାଟଣା ସ୍ପେସାଲ(୦୮୫୮୩/୦୮୫୮୪)ଅକ୍ଟୋବର ୧୮ରୁ ନଭେମ୍ବର ୨ ମଧ୍ୟରେ ପ୍ରତି ସୋମବାର ବିଶାଖାପାଟଣାରୁ ସନ୍ଧ୍ୟା ୭ଟା ୧୫ରେ ଛାଡ଼ିବ ଓ ଫେରିବା ମାର୍ଗରେ ଏହା ତିରୁପତିରୁ ପ୍ରତି ମଙ୍ଗଳବାର ରାତି ୯ଟା ୫୫ରେ ଛାଡ଼ିବ। ବିଶାଖାପାଟଣା-ସିକନ୍ଦରାବାଦ-ବିଶାଖାପାଟଣା ସ୍ପେସାଲ୍(୦୮୫୮୫/୦୮୫୮୦୬) ଅକ୍ଟୋବର ୧୯ରୁ ନଭେମ୍ବର ୩ ମଧ୍ୟରେ ପ୍ରତି ମଙ୍ଗଳବାର ବିଶାଖାପାଟଣାରୁ ସନ୍ଧ୍ୟା ୫ଟା ୩୫ରେ ଛାଡ଼ିବ। ଫେରିବା ବାଟରେ ଏହା ସିକନ୍ଦରାବାଦରୁ ପ୍ରତି ବୁଧବାର ରାତି ୯ଟା ୫ରେ ଛାଡ଼ିବ। ହାଓଡା-ପୁରୀ-ହାଓଡା ସ୍ପେସାଲ୍(୦୮୧୭୯/୦୮୧୮୦) ଅକ୍ଟୋବର ୯ରୁ ନଭେମ୍ବର ୭ ମଧ୍ୟରେ ପ୍ରତି ଶନିବାର ହାଓଡାରୁ ରାତି ୮ଟା ୩୫ରେ ଛାଡ଼ିବ ଏବଂ ଫେରିବା ମାର୍ଗରେ ଏହା ପୁରୀରୁ ପ୍ରତି ରବିବାର ସନ୍ଧ୍ୟା ୭ଟା ୨୦ରେ ଛାଡ଼ିବ ବୋଲି ପୂର୍ବତଟ ରେଳପଥ କର୍ତ୍ତୃପକ୍ଷ ସୂଚନା ଦେଇଛନ୍ତି।