ଭୁବନେଶ୍ୱରରୁ ଜୁନାଗଡ଼ ରୋଡ୍, ଜଗଦଲପୁର ଓ ନୟାଗଡ଼ ଟାଉନକୁ ସ୍ୱତନ୍ତ୍ର ଟ୍ରେନ୍
ଭୁବନେଶ୍ବର : ବ୍ରହ୍ମପୁର ଓ ବିଜୟନଗରମ୍ ମାର୍ଗ ଦେଇ ଭୁବନେଶ୍ୱରରୁ ଜୁନାଗଡ଼ ରୋଡ୍ ଏବଂ ଜଗଦଲପୁରକୁ ସ୍ବତନ୍ତ୍ର ଟ୍ରେନ୍ ଚଳାଚଳ କରିବ। ଏଥିସହ ଭୁବନେଶ୍ୱରରୁ ନୟାଗଡ଼ ଟାଉନ୍ ମଧ୍ୟରେ ସ୍ବତନ୍ତ୍ର ଟ୍ରେନ୍ ଚଳାଇବାକୁ ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି। ଭୁବନେଶ୍ୱର-ଜୁନାଗଡ଼ ରୋଡ୍ ସ୍ବତନ୍ତ୍ର ଟ୍ରେନ(୦୨୦୯୭) ଏପ୍ରିଲ ୧୦ରୁ ଭୁବନେଶ୍ୱରରୁ ରାତି ୯ଟା ୪୦ରେ ବାହାରି ତା’ ପରଦିନ ପୂର୍ବାହ୍ନ ୯ଟା ୧୦ରେ ଜୁନାଗଡ଼ ରୋଡ୍ରେ ପହଞ୍ଚିବ। ଜୁନାଗଡ଼ ରୋଡ୍-ଭୁବନେଶ୍ୱର ସ୍ବତନ୍ତ୍ର ଟ୍ରେନ୍(୦୨୦୯୮) ଏପ୍ରିଲ ୧୧ରୁ ଜୁନାଗଡ଼ ରୋଡ୍ରୁ ସନ୍ଧ୍ୟା ୫ଟା ୩୦ରୁ ବାହାରି ତା’ ପରଦିନ ସକାଳ ୫ଟା ୨୦ରେ ଭୁବନେଶ୍ବରରେ ପହଞ୍ଚିବ।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱର-ଜଗଦଲପୁର ସ୍ବତନ୍ତ୍ର ଟ୍ରେନ୍(୦୮୪୪୭) ଏପ୍ରିଲ ୨୦ରୁ ଭୁବନେଶ୍ୱରରୁ ସନ୍ଧ୍ୟା ୭ଟା ୩୫ରେ ଛାଡ଼ି ତା’ ପରଦିନ ପୂର୍ବାହ୍ନ ୧୧ଟା ୫୫ରେ ଜଗଦଲପୁରରେ ପହଞ୍ଚିବ। ଜଗଦଲପୁର-ଭୁବନେଶ୍ୱର ସ୍ବତନ୍ତ୍ର ଟ୍ରେନ୍(୦୮୪୪୮) ଏପ୍ରିଲ ୨୧ରୁ ଜଗଦଲପୁରରୁ ଅପରାହ୍ଣ ସାଢ଼େ ୪ଟାରେ ବାହାରି ତା’ ପରଦିନ ସକାଳ ୮ଟା ୨୦ରେ ଭୁବନେଶ୍ୱରରେ ପହଞ୍ଚିବ। ପୂର୍ବରୁ ଏହି ସ୍ୱତନ୍ତ୍ର ଟ୍ରେନ୍ ଭୁବନେଶ୍ୱର-କୋରାପୁଟ ମଧ୍ୟରେ ସମ୍ବଲପୁର, ଟିଟିଲାଗଡ଼ ଓ ରାୟଗଡ଼ା ମାର୍ଗ ଦେଇ ଚଳାଚଳ କରୁଥିଲା। ଯାତ୍ରୀଙ୍କ ସୁବିଧାକୁ ଦୃଷ୍ଟିରେ ରଖି ଏହି ଟ୍ରେନକୁ ଏପ୍ରିଲ୧୯ରୁ ଭୁବନେଶ୍ୱରରୁ ଓ ଏପ୍ରିଲ ୨୦ରୁ କୋରାପୁଟରୁ ବାତିଲ କରାଯାଇ କୋଭିଡ୍ ପୂର୍ବର ନିର୍ଧାରିତ ଚଳାଚଳ ମାର୍ଗ ଭାୟା ବ୍ରହ୍ମପୁର, ବିଜୟନଗରମ୍ ଓ ରାୟଗଡ଼ା ଦେଇ ଚଳାଇବାକୁ ନିଷ୍ପତ୍ତି ନିଆଯାଇଛି।
ଏପ୍ରିଲ ୧୩ରୁ ଭୁବନେଶ୍ୱର-ନୟାଗଡ଼ ଟାଉନ୍ ସ୍ବତନ୍ତ୍ର ଟ୍ରେନ(୦୮୪୨୩) ସନ୍ଧ୍ୟା ୬ଟା ୪୦ରେ ଭୁବନେଶ୍ବରରୁ ବାହାରି ରାତି ୮ଟା ୪୫ରେ ନୟାଗଡ଼ ଟାଉନ୍ରେ ପହଞ୍ଚିବ। ନୟାଗଡ଼ ଟାଉନ-ଭୁବନେଶ୍ବର ଟ୍ରେନ୍(୦୮୪୨୪) ନୟାଗଡ଼ରୁ ସକାଳ ୬ଟା ୩୦ରେ ଛାଡ଼ି ଭୁବନେଶ୍ୱରରେ ପୂର୍ବାହ୍ନ ୯ଟାରେ ପହଞ୍ଚିବ। ଏହି ଟ୍ରେନ୍ ଖୋର୍ଦ୍ଧା ରୋଡ୍, ଖୋର୍ଦ୍ଧା ଟାଉନ୍, ବେଗୁନିଆ, ରାଜସୁନାଖଳା ଓ ବୋଲଗଡ଼ ରୋଡ୍ରେ ରହଣି କରିବ।