ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଟଙ୍କା ଜରିମାନା, ଜାଣନ୍ତୁ ଓଡ଼ିଶାରେ କେଉଁ ଜିଲ୍ଲାରେ ଏହା ଲାଗୁ ହେବ
ଛେପ ପକାଇଲେ ୫୦୦ ଟଙ୍କା ଜରିମାନା
ବ୍ରହ୍ମପୁର: ଏଣିକି ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଟଙ୍କା ଜରିମାନା ଦେବାକୁ ପଡ଼ିବ । ଗଞ୍ଜାମ ଜିଲ୍ଲାରେ ଏହା ଲାଗୁ ହେବାକୁ ଯାଉଛି । ଗଂଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଟୁଇଟର ଜରିଆରେ ଏହି ସୂଚନା ଦେଇଛନ୍ତି । ସେ ଟୁଇଟ୍ କରି ଲେଖିଛନ୍ତି, ‘ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଟଙ୍କା ଜରିମାନା ଦେବାକୁ ପଡ଼ିବ। ଦୟାକରି ର୍ବସାଧାରଣ ସ୍ଥାନରେ ଛେପ ପକାନ୍ତୁ ନାହିଁ। ମାସ୍କ ବ୍ୟବହାର ବାଧ୍ୟତାମୂଳକ। ’
Sambad is now on WhatsApp
Join and get latest news updates delivered to you via WhatsApp
Spitting in public places will be penalised with Rs. 500/- Please don’t spit in public places. Use mask compulsory 😷#OdishaFightsCorona @CMO_Odisha @HFWOdisha
— Collector & District Magistrate, Ganjam (@Ganjam_Admin) April 14, 2020
ସୂଚନାଯୋଗ୍ୟ, ଗଞ୍ଜାମ ଜିଲ୍ଲାପାଳ ଶ୍ରୀ କୁଲାଙ୍ଗେ କିଛି ଦିନ ତଳେ ଗଂଜାମ ଜିଲ୍ଲାର ନାଗରିକଙ୍କୁ ମାସ୍କ ପିନ୍ଧିବା ବାଧ୍ୟତାମୂଳକ ବୋଲି ନିର୍ଦ୍ଦେଶନାମା ଜାରି କରିଥିଲେ । ସେ ଏକ ବିଜ୍ଞପ୍ତି ଜାରି କରି କହିଥିଲେ ଯେ, କରୋନା ମୁକାବିଲା ପାଇଁ ଉଭୟ ସହରାଞ୍ଚଳ ଓ ଗ୍ରାମାଞ୍ଚଳର ଲୋକେ ମାସ୍କ ପିନ୍ଧିବା ବାଧ୍ୟତାମୂଳକ । ସହରାଞ୍ଚଳରେ ମାସ୍କ ନ ପିନ୍ଧି ବୁଲୁଥିବା ଲୋକଙ୍କ ଠାରୁ ୧୦୦୦ ଟଙ୍କା ଓ ଗ୍ରାମାଞ୍ଚଳର ଲୋକଙ୍କ ଠାରୁ ୫୦୦ ଟଙ୍କା ଜରିମାନା ଆଦାୟ କରାଯିବ ବୋଲି ସେ ଆଦେଶ ଦେଇଥିଲେ ।
ସମଗ୍ର ଦେଶ ସମେତ ଓଡ଼ିଶାରେ କରୋନା ମୁକାବିଲା ପାଇଁ ଲକଡାଉନ ଜାରି ଥିବା ବେଳେ ଗଞ୍ଜାମ ଜିଲ୍ଲାପାଳଙ୍କ ମାସ୍କ ପିନ୍ଧିବାକୁ ବାଧ୍ୟତାମୂଳକ କରିବା ପଦକ୍ଷେପକୁ ବୁଦ୍ଧିଜୀବୀମାନେ ପ୍ରଶଂସା କରିଥିଲେ ।