ଓଡ଼ିଶା ସରକାର ନିଯୁକ୍ତି କରିବେ ଏସପିଓ(ସ୍ପେଶାଲ ପୁଲିସ ଅଫିସର), ଜାଣନ୍ତୁ କେମିତି କରିବେ ଆବେଦନ
ଭୁବନେଶ୍ୱର: ଓଡ଼ିଶା ପୁଲିସ ପକ୍ଷରୁ ଏସପିଓ ବା ସ୍ପେଶାଲ ପୁଲିସ ଅଫିସର ନିଯୁକ୍ତି ନେଇ ବିଜ୍ଞାପନ ପ୍ରକାଶ ପାଇଛି | ଲକଡାଉନ ସମୟରେ ପୁଲିସ କର୍ମଚାରୀଙ୍କୁ ସାହାଯ୍ୟ କରିବାକୁ ଏସପିଓମାନଙ୍କୁ ନିଯୁକ୍ତି ଦିଆଯିବ | ଏହି ପୁଲିସ ଅଫିସରମାନଙ୍କୁ ମାସିକ ୧୩ ହଜାର ଟଙ୍କା ବେତନ ଦିଆଯିବାକୁ ନିଷ୍ପତ୍ତି ନିଆଯାଇଥିବାବେଳେ ମେଡିକାଲ ଟେଷ୍ଟ ଓ ସାକ୍ଷାତକାର ପରେ ନିଯୁକ୍ତି ଦିଆଯିବ |
କେଉଁମାନେ ଆବେଦନ କରିପାରିବେ
୧-ରାଜ୍ୟ ପୁଲିସ ବା କେନ୍ଦ୍ରୀୟ ପୁଲିସ ବିଭାଗରୁ କନେଷ୍ଟବଳ, ହାବିଲଦାର, ସବଇନ୍ସପେକ୍ଟର ଭାବେ ଅବସର ନେଇଥିବେ
୨-୧୩.୦୫.୨୦୨୦ ସୁଦ୍ଧା ତାଙ୍କ ବୟସ ସର୍ବାଧିକ ୬୨ ବର୍ଷ ମଧ୍ୟରେ ହୋଇଥିବ
୩-ଓଡ଼ିଆ ଭାଷା ପଢ଼ିପାରୁଥିବା ଓ ଲେଖିପାରୁଥିବା ଆବଶ୍ୟକ
୪-ତାଙ୍କ ନାମରେ କୌଣସି ଅପରାଧିକ ମାମଲା ନଥିବ
Sambad is now on WhatsApp
Join and get latest news updates delivered to you via WhatsApp
ଏହି ଯୋଗ୍ୟତା ଥିବା ବ୍ୟକ୍ତିମାନେ ଆସନ୍ତା ମେ ୧୮ ତାରିଖରୁ ୨୧ ତାରିଖ ଓ ୨୬ ତାରିଖରେ ସମ୍ପୃକ୍ତ ଜିଲ୍ଲା ପୁଲିସ ମୁଖ୍ୟାଳୟରେ ବା କମିସନରେଟ ପୁଲିସ ଅଫିସରେ ଆସି ଭାଗ ନେଇ ପାରିବେ | ଏଠାରେ ତାଙ୍କର ମେଡିକାଲ ଟେଷ୍ଟ ହେବା ପରେ ସାକ୍ଷାତକାର ନିଆଯିବ | ତେବେ ଏହି ନିଯୁକ୍ତି ସମ୍ପୂର୍ଣ୍ଣ ଚୁକ୍ତିଭିତ୍ତିକ ହେବ ବୋଲି ସ୍ପଷ୍ଟ କରାଯାଇଛି |