ନିଆଳି ମାଧବଜୀଉଙ୍କ ମନ୍ଦିରରୁ ଯାଇଥିବା ପଢ଼ୁଆଁ ଭାରକୁ ଗ୍ରହଣ କଲା ନାହିଁ ଶ୍ରୀମନ୍ଦିର ପ୍ରଶାସନ
ପୁରୀ: ନିଆଳି ମାଧବଜୀଉ ମନ୍ଦିରରୁ ପୁରୀ ଶ୍ରୀମନ୍ଦିରକୁ ଯାଇଥିବା ପଢ଼ୁଆଁ ଭାରକୁ ଗ୍ରହଣ କଲା ନାହିଁ ଶ୍ରୀମନ୍ଦିର ପ୍ରଶାସନ । ଏହା ନିଆଳି ମାଧବଙ୍କ ମାମୁଁଘର ନୁହେଁ ବୋଲି କହିଛନ୍ତି ମନ୍ଦିର ସେବାୟତ ଓ ଗବେଷକ । ଗତକାଲି ନିଆଳି ମାଧବଜୀଉ ମନ୍ଦିରରୁ ଯାଇଥିଲା ପଢ଼ୁଆଁ ଭାର । କେବଳ ଭକ୍ତଙ୍କ ଭାବାବେଗକୁ ସମ୍ମାନ କରି ଏହା ମନ୍ଦିରରେ ରଖାଯାଇଛି ବୋଲି କହିଛନ୍ତି ସେବାୟତ ।
Sambad is now on WhatsApp
Join and get latest news updates delivered to you via WhatsApp
ସଂକୀର୍ତନ ମଣ୍ଡଳୀର ସଂକୀର୍ତନ, ଢ଼ୋଲମହୁରୀ ବାଜାର ତାଳେ ତାଳେ ପ୍ରଥମାଷ୍ଟମୀ ଭାର ନିଆଳି ମାଧବ ମନ୍ଦିରରୁ ବାହାରି ଶ୍ରୀକ୍ଷେତ୍ର ଯାଇଥିଲା । ଗତ କିଛି ବର୍ଷ ହେବ ବନ୍ଦ ରହିଥିଲା ଏହି ପ୍ରଥା ।
ପରମ୍ପରାକୁ ପୁନଃ ପ୍ରଚଳନ କରିବା ପାଇଁ ପୁଣି ଉଦ୍ୟମ ଆରମ୍ଭ ହୋଇଥିଲା । ପୁରାତନ ପ୍ରଥାକୁ ବଚାଂଇ ରଖିବାକୁ ଚଳିତ ବର୍ଷ ନିଆଳିର ମାଧବାନନ୍ଦଜୀଉ ମନ୍ଦିରର ଛତିଶା ସେବକ ନିଯୋଗ ସହ ହଜାର ହଜାର ଶ୍ରଦ୍ଧାଳୁ ସାମିଲ ହୋଇ ଶ୍ରୀ ଜଗନ୍ନାଥ ଉଦ୍ଦେଶ୍ୟରେ ପ୍ରଥମାଷ୍ଟମୀ ଭାର ଓ ନୁଆ ବସ୍ତ୍ର ନେଇ ପୁରୀ ଯାଇଥିଲେ । ତେବେ ଏହାକୁ ଶ୍ରୀ ମନ୍ଦିର ପ୍ରଶାସନ ଗ୍ରହଣ କରିନାହିଁ |