ବିବାହ, ଅନ୍ତେଷ୍ଟି କ୍ରିୟା ଏବଂ ଜନ ସମାବେଶ ପାଇଁ ନିୟମ କଡାକଡି କଲେ ରାଜ୍ୟ ସରକାର, ନମାନିଲେ ହେବ କଡ଼ା କାର୍ଯ୍ୟାନୁଷ୍ଠାନ
ଭୁବନେଶ୍ୱର: ମେ ୩୦ତାରିଖରେ କେନ୍ଦ୍ର ସରକାର ଲକଡାଉନ ୫.୦ ପାଇଁ ବିଭିନ୍ନ ନିର୍ଦେଶାବଳୀ ଜାରି କରିବା ସହ ଲକଡାଉନ ଅବଧିକୁ ଜୁନ ୩୦ପର୍ଯ୍ୟନ୍ତ ବଢ଼ାଇଥିଲେ | ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲକଡାଉନ ୫.୦ ନିର୍ଦେଶାବଳୀ କରିଛନ୍ତି | କେନ୍ଦ୍ର ସରକାର କିଛି ନିୟମକୁ କୋହଳ କରିଥିଲେ ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାରେ କିଛି ନିୟମକୁ କଡାକଡି କରିଛନ୍ତି | ଲକଡାଉନ ୪.୦ରେ ବିବାହରେ ୫୦ଜଣ ଓ ଅନ୍ତେଷ୍ଟି କ୍ରିୟାରେ ୨୦ଜଣ ଲୋକ ଯୋଗ ଦେଇପାରିବେ ବୋଲି ନିୟମ ଲାଗୁ କରାଯାଇଥିବା ବେଳେ ଲକଡାଉନ ୫.୦ରେ ଏହାକୁ କଡାକଡି କରିଛନ୍ତି ସରକାର | ଅନେକ ସ୍ଥାନରେ ଏହି ନିୟମର ଉଲ୍ଲଙ୍ଘନ କରାଯାଉଥିବା ଦେଖି ଏଣିକି ନିୟମ ଉଲ୍ଲଙ୍ଘନ କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ପୁଲିସ ମହାନିର୍ଦ୍ଦେଶକ ବରିଷ୍ଠ ଆଇପିଏସ୍ ଅଧିକାରୀ ଅଭୟ |
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ମୁତାବକ, ବିବାହ କିମ୍ବା ଅନ୍ତେଷ୍ଟି କ୍ରିୟାକୁ ଯିବା ପାଇଁ ହେଲେ ଲୋକଙ୍କୁ ସ୍ଥାନୀୟ ପୁଲିସର ଅନୁମତି ନେବାକୁ ହବ | ଏହା ସହ ମୁହଁରେ ମାସ୍କ ଲଗାଇବା ସହ ସାମାଜିକ ଦୂରତା ବଜାୟ ରଖିବାକୁ ହେବ | ଅଫିସ ହେଉ ବା ସର୍ବସାଧାରଣ ସ୍ଥାନ ବା ଯାତ୍ରା କରିବା ସମୟରେ ମୁହଁରେ ମାସ୍କ ପିନ୍ଧିବାର ଆବଶ୍ୟକତା ରହିଛି | ଏହା ସହ ବାହାରେ ଛେପ ପକାଇବାକୁ ମଧ୍ୟ ଦଣ୍ଡନୀୟ ଅପରାଧ ଭାବେ ଧରାଯିବ | ଏକ ସାଙ୍ଗରେ ଗୋଟେ ସ୍ଥାନରେ ୭ଜଣରୁ ଅଧିକ ଲୋକ ଛିଡା ହୋଇ କଥା ହୋଇପାରିବେ ନାହିଁ | ଜରୁରୀ ଜିନିଷ ଦୋକାନ ବାହାରେ ସାମାଜିକ ଦୂରତା ବଜାୟ ହେବ |