ଗ୍ରହଣୀୟ ସୀମା ମଧ୍ୟରେ ରାଜ୍ୟର ଋଣ ଭାର: ମୁଖ୍ୟମନ୍ତ୍ରୀ

ଭୁବନେଶ୍ୱର: ଓଡ଼ିଶାର ମୁଖ୍ୟ ମହାଲେଖାକାର (ପ୍ରିନ୍ସିପାଲ ଆକାଉଣ୍ଟାଣ୍ଟ ଜେନେରାଲ)ଙ୍କ ସଦ୍ୟତମ ତଥ୍ୟ ଅନୁଯାୟୀ ଧାର୍ଯ୍ୟ ସୀମା ମଧ୍ୟରେ ଓଡିଶାର ଆର୍ଥିକ ସ୍ଥିତି ସ୍ଥିର ରହିଛି।

ସୋମବାର ଦିନ ଓଡିଶା ବିଧାନସଭାରେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତିଙ୍କ ଏକ ପ୍ରଶ୍ନର ଲିଖିତ ଉତ୍ତରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ସୂଚନା ପ୍ରଦାନ କରିଛନ୍ତି।

ପଞ୍ଚଦଶ ଅର୍ଥ ଆୟୋଗ ଏବଂ ଆର୍ଥିକ ଦାୟିତ୍ବ ଏବଂ ବଜେଟ୍ ପରିଚାଳନା (ଏଫଆରବିଏମ) ଅଧିନିୟମ, ୨୦୦୫ର ସୁପାରିଶ ଅନୁଯାୟୀ, ଏକ ରାଜ୍ୟର ଋଣ-ଜିଏସଡିପି ଅନୁପାତ ୨୫ ପ୍ରତିଶତ ଧାର୍ଯ୍ୟ ହୋଇଥିବାବେଳେ ସୁଧ ଦେୟରୁ ମୋଟ ରାଜସ୍ୱ ରସିଦ (ଆଇପି) /ଆରଆର) ଅନୁପାତ ୧୫ ପ୍ରତିଶତ ତଳେ ରହିବା ଜରୁରୀ ।

ଓଡିଶା ପ୍ରିନ୍ସିପାଲ ଆକାଉଣ୍ଟାଣ୍ଟ ଜେନେରାଲଙ୍କଠାରୁ ମିଳିଥିବା ପ୍ରାଥମିକ ଆକଳନ ଅନୁଯାୟୀ, ୨୦୨-୨୪ ଶେଷରେ ରାଜ୍ୟର ଋଣ ଏବଂ ଜିଏସଡିପି ଅନୁପାତ ୧୧.୫୬ ପ୍ରତିଶତ ରହିଥିବା ବେଳେ  ଆଇପି / ଆରଆର ଅନୁପାତ ୨.୮୮ ପ୍ରତିଶତ ରହିଛି। ଉଭୟ ସ୍ଥିତି ଧାର୍ଯ୍ୟ ସ୍ଥିତିର ଗ୍ରହଣୀୟ ସୀମା ତଳେ ରହିଛି।

୨୦୧୪-୧୫ ଆର୍ଥିକ ବର୍ଷ ଶେଷରେ, ଓଡିଶାର ମୋଟ ଋଣ ୪୩,୨୭୩.୩୮ କୋଟିରେ ପହଞ୍ଚିଛି। ମୁଣ୍ଡପିଛା ଋଣ ଭାର ୯,୯୪୨.୮୮ କୋଟି ରହିଥିଲା।

ଅଧିକ ପଢ଼ନ୍ତୁ: ୫ ମାସରେ ରାଜ୍ୟରେ ୪୧ ଗଣଦୁଷ୍କର୍ମ ମାମଲା: ଭୁବନେଶ୍ୱରରେ ସର୍ବାଧିକ ମହିଳା ହିଂସା

ଓଡ଼ିଶାର ପ୍ରିନ୍ସିପାଲ ଆକାଉଣ୍ଟାଣ୍ଟ ଜେନେରାଲ ପ୍ରାଥମିକ ଆକଳନ ଅନୁଯାୟୀ, ଅକ୍ଟୋବର ୨୦୨୪ସୁଦ୍ଧା  ରାଜ୍ୟର ଋଣ, ୭୯୩,୭୧୩.୦୧ କୋଟିକୁ ବୃଦ୍ଧି ପାଇ ମୁଣ୍ଡପିଛା ଋଣ ୨୦,୧୭୬.୭୭  କୋଟିରେ ପହଞ୍ଚିଛି।

ବୃଦ୍ଧି ସତ୍ତ୍ୱେ ଓଡିଶାର ମୁଣ୍ଡପିଛା ଋଣ ଭାର ଅନ୍ୟ ପ୍ରମୁଖ ରାଜ୍ୟ ତୁଳନାରେ ଯଥେଷ୍ଟ କମ୍ ରହିଛି, ଯାହା ରାଜ୍ୟର ଉପଯୋଗୀ ଆର୍ଥିକ ପରିଚାଳନାକୁ ପ୍ରତିଫଳିତ କରିଥାଏ ବୋଲି ମୁଖ୍ୟମନ୍ତ୍ରୀ କହିଛନ୍ତି।

ଅଧିକ ପଢ଼ନ୍ତୁ: ଦକ୍ଷିଣ ଓଡ଼ିଶା ବିକାଶ ପରିଷଦ ଗଠନ ପାଇଁ ସରକାରଙ୍କ ଟାସ୍କ ଫୋର୍ସ