କାଜୁମଞ୍ଜି ଚୋରି କରି ଯୁବକ ଗିରଫ

ଅଳତି: ରାମଚନ୍ଦ୍ରପୁର ଥାନା ଅନ୍ତର୍ଗତ ଗଡ଼ବାନ୍ଧଗୋଡ଼ା କାଜୁତୋଟାରୁ କାଜୁମଞ୍ଜି ଚୋରି ଅଭିଯୋଗରେ ଗଡ଼ବାନ୍ଧଗୋଡ଼ା ଗ୍ରାମର ପ୍ରଦୀପ ଚକ୍ର (୩୪)ଙ୍କୁ ପୁଲିସ ଗିରଫ କରି କୋର୍ଟଚାଲାଣ କରିଛି। ପ୍ରାପ୍ତ ସୁଚନା ଅନୁସାରେ, ଗଡ଼ବାନ୍ଧଗୋଡ଼ା କାଜୁତୋଟାକୁ ୪୬ ଲକ୍ଷରେ ନିଲାମ ନେଇଛନ୍ତି ଜୟନ୍ତ ଗାନ୍ଧୀ ବିଶ୍ୱାଳ।

ରାତିରେ ଗୋଦାମରେ ଗଚ୍ଛିତ ଥିବା କାଜୁମଞ୍ଜିକୁ ‌କେହି ଦୁର୍ବୃତ୍ତ ଚୋରି କରିଥିବା ସେ ଥାନାରେ ଅଭିଯୋଗ କରିଥିଲେ। ରାମଚନ୍ଦ୍ରପୁର ଥାନା ଆଇଆଇସି ଅଭିନାଶ ପରିଡ଼ା ଗତକାଲି ରାତିରେ ଚଢ଼ଉ କରି ଏହି ମାମଲାରେ ଜଣଙ୍କୁ ଗିରଫ କରିଥିଲେ। ଆଜି ରାମଚନ୍ଦ୍ରପୁର ଥାନାରେ କେସ୍ ନମ୍ବର ୧୦୬/୨୦୨୩ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତକୁ କୋର୍ଟଚାଲାଣ କରାଯାଇଛି।