ପାହାଡ଼ରୁ ପଥର ଖସି କେନାଲ୍ ଭାଙ୍ଗିଲା, ଚିନ୍ତାରେ ଚାଷୀ
ଲାଞ୍ଜିଗଡ଼ : ଲାଞ୍ଜିଗଡ଼ ବ୍ଲକ୍ କାନକୁଟ୍ରୁ ପଞ୍ଚାୟତ ଦିଆଲବାହାଲି ଗାଁରେ ସଏଲ୍ କଞ୍ଜରଭେସନ୍ ପକ୍ଷରୁ ଚାଷୀଙ୍କ ପାଇଁ ବାରଗୁଡ଼ା ଡ୍ୟାମ୍ରୁ ଏକ କେନାଲ୍ ନିର୍ମାଣ ହୋଇଥିଲା। ଗତ ଲଘୁଚାପଜନିତ ବର୍ଷାରେ ପାହାଡ଼ ଉପରୁ ବଡ଼ ବଡ଼ ପଥର ଓ ମାଟି ଅତଡ଼ା ଖସିବାରୁ କେନାଲ୍ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଫଳରେ ଚାଷ କାର୍ଯ୍ୟରେ ସମସ୍ୟା ହେବବୋଲି ଆଶଙ୍କା କରି ଚାଷୀକୁଳ ଚିନ୍ତାରେ ପଡ଼ିଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
କେନାଲ୍ ଯୋଗୁଁ ବାରଗୁଡା, ଦିଆଲବାହାଲି, ରଣରଣା, ସଲପାଙ୍ଗ, ଆଡ଼େସୁର, ତେନ୍ତୁଳିପଙ୍ଗା, ଆବାସନଗର ଆଦି ଗାଁର ଚାଷୀମାନେ ଉପକୃତ ହେଉଥିଲେ। ୨୦୦ରୁ ଊର୍ଦ୍ଧ୍ବ ଏକର ଜମିକୁ ପାଣି ମାଡୁଥିଲା। ଏନେଇ ଲାଞ୍ଜିଗଡ଼ ବିଡିଓ ଜିତେନ୍ଦ୍ର ମିଶ୍ରଙ୍କ ଦୃଷ୍ଟି ଆକର୍ଷଣ କରାଯାଇଛି।