ଭବାନୀପାଟଣା: ବୁଧବାର ରାଜ୍ୟବ୍ୟାପୀ ଡ୍ରାଇଭର ସଂଘ ପକ୍ଷରୁ ଧର୍ମଘଟ ହେଉଥିବା ଯୋଗୁଁ ଧର୍ମଘଟକାରୀମାନେ ଟ୍ରାଫିକ ଅବରୋଧ ଓ ଗାଡ଼ିମଟର ବନ୍ଦ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଙ୍ଗଳବାର ସନ୍ଧ୍ୟାରେ ଏକ ମିଳିତ ସାମ୍ବାଦିକ ସମ୍ମିଳନୀରେ କଳାହାଣ୍ଡି ଜିଲ୍ଲାପାଳ ପି. ଅନ୍ବେଷା ରେଡ୍ଡୀ ଓ କଳାହାଣ୍ଡି ଏସପି ଅଭିଳାଷ ଜି. ସୂଚନା ଦେଇଛନ୍ତି। ଧର୍ମଘଟ ପାଇଁ ଉଭୟ ପୁଲିସ ଓ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ଛାତ୍ରଛାତ୍ରୀମାନଙ୍କ ପରୀକ୍ଷା, ମେଡିକାଲ କାମ ଓ ସାଧାରଣ ଲୋକଙ୍କୁ ରାସ୍ତାରେ ଅବରୋଧ କିମ୍ବା ହିଂସା କଲେ ଆଇନ ଅନୁଯାୟୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ପରୀକ୍ଷା ଦେବାପାଇଁ ଆସୁଥିବା ଛାତ୍ରଛାତ୍ରୀମାନଙ୍କୁ ଜରୁରୀ ହେଲେ ବସ୍ ବ୍ୟବସ୍ଥା କରାଯିବ। ଉଭୟ ରାଜ୍ୟ ରାଜପଥ ଓ ଜାତୀୟ ରାଜପଥରେ ଏନେଇ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବଲାଙ୍ଗିର ଜିଲ୍ଲା ସୀମାଠାରୁ ଆମପାଣି ପର୍ଯ୍ୟନ୍ତ ଜାତୀୟ ରାଜପଥ ୨୬, ଲାଞ୍ଜିଗଡ ରାସ୍ତା, ଅମାଠ ରାସ୍ତା, ନର୍ଲା ରାସ୍ତା ସମେତ ବିଭିନ୍ନ ରାସ୍ତାରେ ଲୋକଙ୍କୁ ଟ୍ରାଫିକ ସମସ୍ୟା ନ ହେବା ପାଇଁ ପୁଲିସ ମୁତୟନ କରାଯାଇଛି ବୋଲି ଏସପି କହିଛନ୍ତି। ତେଣୁ ଛାତ୍ରଛାତ୍ରୀ ଓ ଜନସାଧାରଣ ଆନ୍ଦୋଳନ ନେଇ ଭୟଭୀତ ହେବାର ଆବଶ୍ୟକତା ନାହିଁ। ଅଟୋ ୟୁନିଅନ ଓ ଟ୍ରକ୍ ୟୁନିଅନ ଏହି ଆନ୍ଦୋଳନରେ ସାମିଲ ହୋଇ ନ ଥିବାରୁ ବିଭିନ୍ନ ଜରୁରୀ କାର୍ଯ୍ୟ ନିମନ୍ତେ ପ୍ରଶାସନ ଏମାନଙ୍କ ସାହାଯ୍ୟ ନେବ। ପ୍ରଶାସନ ପକ୍ଷରୁ ଘରୋଇ ବସ୍ ୟୁନିଅନ, ଅଟୋ ୟୁନିୟନ ଓ ଅନ୍ୟ ମୋଟର କର୍ମଚାରୀ ୟୁନିଅନ ସହିତ କଥାବାର୍ତ୍ତା ଚାଲିଛି। ଏ ନେଇ ଜିଲ୍ଲା ପ୍ରଶାସନ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବା ସହ ଟ୍ରାଫିକ ସମସ୍ୟାର ମୁକାବିଲା ପାଇଁ ପ୍ରସ୍ତୁତ ହେଉଥିବା ଜିଲ୍ଲାପାଳ ଓ ଏସପି ସାମ୍ବାଦିକ ସମ୍ମିଳନୀରେ କହିଛନ୍ତି।