ଭୁବନେଶ୍ୱର: ଅକ୍ଟୋବର ୧୧ରେ ହେବାକୁ ଥିବା ଛାତ୍ର ସଂସଦ ନିର୍ବାଚନକୁ କେନ୍ଦ୍ର କରି ବିଭିନ୍ନ କଲେଜରେ ଛାତ୍ର ଅଶାନ୍ତି ଦେଖା ଦେଇଛି। ଯାହାକୁ ନେଇ ସୋମବାର ୮ଟି ଶିକ୍ଷାନୁଷ୍ଠାନରେ ନିର୍ବାଚନ ବାତିଲ କରାଯାଇଛି। ଏଥିରେ ୩ଟି ବିଶ୍ୱବିଦ୍ୟାଳୟ ଓ ୫ଟି କଲେଜ ସାମିଲ ରହିଛି।
Sambad is now on WhatsApp
Join and get latest news updates delivered to you via WhatsApp
ଛାତ୍ର ସଂସଦ ନିର୍ବାଚନ ବାତିଲ ହୋଇଥିବା କଲେଜ ମଧ୍ୟରେ ରେଭେନ୍ସା ବିଶ୍ୱବିଦ୍ୟାଳୟ, ସମ୍ବଲପୁର ବିଶ୍ୱବିଦ୍ୟାଳୟ, ଦେବଗଡ଼ ବିଶ୍ୱବିଦ୍ୟାଳୟ, ଭଦ୍ରକ ଧାମନଗର କଲେଜରେ ନିର୍ବାଚନ ବାତିଲ (ସାଇନ-ଏ-ଡାଏ) ଘୋଷଣା, କାକଟପୁର ମଙ୍ଗଳା ମହାବିଦ୍ୟାଳୟ, କଟକ ମଧୁସୂଦନ ଆଇନ କଲେଜ, ନୀଳଗିରି କଲେଜରେ ନିର୍ବାଚନ ବାତିଲ (ସାଇନ-ଏ-ଡାଏ) ଘୋଷଣା ଓ ଆନନ୍ଦପୁର କୁଶଳେଶ୍ୱର ଆଞ୍ଚଳିକ କଲେଜରେ ନିର୍ବାଚନ ବାତିଲ କରାଯାଇଛି।
ଅନ୍ୟପଟେ ଏହି ଛାତ୍ର ସଂସଦ ନିର୍ବାଚନକୁ ନେଇ ଆଜି ବାଲେଶ୍ୱର ଜିଲ୍ଲା ନୀଳଗିରି ମହାବିଦ୍ୟାଳୟ ଓ ଭଦ୍ରକ ଧାମନଗର କଲେଜରେ ବୋମା ଫୁଟିଥିଲା। ଏହି ବୋମା ବିସ୍ଫୋରଣରେ କାହାରି କିଛି କ୍ଷତି ହୋଇ ନ ଥିବା ସୂଚନା ମିଳିଛି। ବୋମା ଫୁଟିବା ପରେ କ୍ୟାମ୍ପସ ପରିସରରେ ଭୟର ବାତାବରଣ ଖେଳି ଯାଇଥିଲା। ପିଲାମାନେ ଦୌଡ଼ାଦୌଡ଼ି ହୋଇ କ୍ଲାସ୍ ଛାଡ଼ି ପଳାଇ ଯାଇଥିଲେ। ଏହାକୁ ନେଇ ଦୁଇଟି କଲେଜରେ ସାଇନ୍-ଏ- ଡାଏ ଘୋଷଣା କରିଲେ କଲେଜ ଅଧ୍ୟକ୍ଷ। ନିର୍ବାଚନରେ ହାରିଯିବା ଭୟରେ କିଛି ଛାତ୍ରମାନେ ଏପରି କାମ କରିଥିବା ଅଭିଯୋଗ ହୋଇଛି।