ରୁବେଲା ଟିକା ନେଇ ଅସୁସ୍ଥ ଛାତ୍ରଙ୍କ ମୃତ୍ୟୁ!

ସୁନ୍ଦରଗଡ଼ : ରୁବେଲା ପ୍ରତିଷେଧକ ଟିକା ନେଇ ଅସୁସ୍ଥ ହୋଇଥିବା ବଡ଼ଗାଁ ବ୍ଲକ ଇତ୍‌ମା ହାଇସ୍କୁଲର ନବମ ଶ୍ରେଣୀ ଛାତ୍ର ଠାକୁର ଜୟପୁରୀଆ (୧୪)ଙ୍କର ଆଜି ମୃତ୍ୟୁ ହୋଇଛି। ମୃତ ଠାକୁରଙ୍କ ବାପା ଓ ମା’ ସାଲେବିରା ନକଟି ଗ୍ରାମର ରୁପନ ଓ ଡାଳିମ୍ବ ଜୟପୁରୀଆଙ୍କ  ଅଭିଯୋଗ ଅନୁସାରେ, ଗତ ୩୦ ତାରିଖରେ ସ୍କୁଲରୁ ଟିକା ନେବା ପରେ ଠାକୁର ଅସୁସ୍ଥ ଅନୁଭବ କରିଥିଲେ।  ପରିବାର ଲୋକେ ୮ ତାରିଖ ସକାଳେ ଠାକୁରଙ୍କୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ। ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ପରିଲକ୍ଷିତ ନହେବାରୁ ଗତ ୧୧ ତାରିଖରେ ଠାକୁରଙ୍କୁ ବୁର୍ଲା ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା। ସେଠାରେ  ଠାକୁର ଆଜି ସକାଳ ପ୍ରାୟ ୮ଟାରେ ଆଖି ବୁଜିଥିଲେ।