ପୋଖରୀରେ ବୁଡ଼ି ଛାତ୍ରୀ ମୃତ

ଦାନଗଦୀ: ଯାଜପୁରରୋଡ ଥାନା ଅନ୍ତର୍ଗତ ତ୍ରିଜଙ୍ଗା ପଞ୍ଚାୟତ ସୋଲେଇ ଗାଁ ପୋଖରୀରେ ବୁଡ଼ିଯାଇ  ଜଣେ ସପ୍ତମ ଶ୍ରେଣୀ ଛାତ୍ରୀଙ୍କର ମୃତ୍ୟୁ ହୋଇଛି। ମୃତ ଛାତ୍ରୀ ସୋଲେଇ ଗ୍ରାମର ରାଧାକାନ୍ତ ମଲ୍ଲିକଙ୍କ ଝିଅ ଶ୍ରଦ୍ଧାଞ୍ଜଳି(୧୨)। ସେ ତ୍ରିଜଙ୍ଗା କଲୋନି ସ୍କୁଲ୍‌ରେ ସପ୍ତମ ଶ୍ରେଣୀରେ ପଢ଼ୁଥିଲେ।

ଆଜି ସ୍କୁଲ୍‌କୁ ଆସି ଆଉ ଘରକୁ ଫେରି ନଥିଲେ। ଅଗ୍ନିଶମ ବାହିନୀ ଶ୍ରଦ୍ଧାଞ୍ଜଳିଙ୍କୁ ସୋଲେଇ ପୋଖରୀରୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ଦାନଗଦୀ ଫାଣ୍ଡି ପୁଲିସ ୪୭/୨୨ରେ ଏନେଇ ଏକ ଅପମୃତ୍ୟୁ ମାମଲା ରୁଜୁ କରିଛି।