ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ଜାପାନୀ ଭାଷା ଦକ୍ଷତା ପରୀକ୍ଷାରେ ଉତ୍କର୍ଷ ପ୍ରଦର୍ଶନ

କୋରାପୁଟ: ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ୬ ଜଣ ଛାତ୍ରଛାତ୍ରୀ ଜାପାନୀ ଭାଷା ଦକ୍ଷତା ପରୀକ୍ଷା (ଜେଏଲପିଟି)ର ଏନ୍-୫ ସ୍ତରରେ ସଫଳତାର ସହ ଉତ୍ତୀର୍ଣ୍ଣ ହୋଇଛନ୍ତି, ଯାହା ଭାଷାଗତ ଉତ୍କର୍ଷତା ପ୍ରତି ବିଶ୍ୱବିଦ୍ୟାଳୟର ପ୍ରତିବଦ୍ଧତାକୁ ଦର୍ଶାଉଛି। ସଫଳ ଛାତ୍ରଛାତ୍ରୀମାନେ ହେଲେ କୃଷି ବିଭାଗର ଋତୁପର୍ଣ୍ଣା ବାଲା ଓ ଅଭିପ୍ସା ପାତ୍ର ଏବଂ ଗଣିତ ବିଭାଗର ପ୍ରିତ୍ୟମ କୁମାର ଧଳ, ସ୍ତୁତି ମହିମା ଖୋରା, ଶୁଭମ୍ ଦାଶ ଓ ଜଗଦୀଶ ସାହୁ। ବିଶ୍ୱବିଦ୍ୟାଳୟର ମାନ୍ୟବର କୁଳପତି ପ୍ରଫେସର ଚକ୍ରଧର ତ୍ରିପାଠୀ ସେମାନଙ୍କ କୃତିତ୍ୱକୁ ସ୍ୱୀକୃତି ଦେବା ସହ ଛାତ୍ରଛାତ୍ରୀ, ପାଠ୍ୟକ୍ରମ ସଂଯୋଜକ ଓ ଅଧ୍ୟାପକମାନଙ୍କୁ ସେମାନଙ୍କ ଉତ୍କୃଷ୍ଟ ପ୍ରଦର୍ଶନ ପାଇଁ ଅଭିନନ୍ଦନ ଜଣାଇଛନ୍ତି।

ସଫଳ ଛାତ୍ରଛାତ୍ରୀମାନେ ହେଲେ କୃଷି ବିଭାଗର ଋତୁପର୍ଣ୍ଣା ବାଲା ଓ ଅଭିପ୍ସା ପାତ୍ର ଏବଂ ଗଣିତ ବିଭାଗର ପ୍ରିତ୍ୟମ କୁମାର ଧଳ, ସ୍ତୁତି ମହିମା ଖୋରା, ଶୁଭମ୍ ଦାଶ ଓ ଜଗଦୀଶ ସାହୁ।

ଜାପାନ ସରକାରଙ୍କ ଦ୍ୱାରା ବାର୍ଷିକ ପରିଚାଳିତ ଜେଏଲପିଟି ଜାପାନୀ ଭାଷା ଦକ୍ଷତାରେ ଦକ୍ଷତାର ଆକଳନ ହୋଇଥାଏ । ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ ପକ୍ଷରୁ ୨୦୨୩ ଅକ୍ଟୋବର ପହିଲାରୁ ୨୦୨୪ ଅକ୍ଟୋବର ପହିଲା ପର୍ଯ୍ୟନ୍ତ ଏକ ବର୍ଷିଆ ଜାପାନୀ ଭାଷା ସାର୍ଟିଫିକେଟ୍ ପାଠ୍ୟକ୍ରମ (ଜେଏଲସିସି) ପ୍ରଦାନ କରାଯାଉଛି। ଏନ-୫ ସ୍ତରୀୟ ପରୀକ୍ଷା ଦେଇଥିବା ୧୦ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୬ ଜଣ ପାସ୍ ମାର୍କ ହାସଲ କରି ଜେଏଲସିସି କାର୍ଯ୍ୟକ୍ରମର ଫଳପ୍ରଦତା ଦର୍ଶାଇଛନ୍ତି।

ଯଥାକ୍ରମେ ୧୨୦ ଓ ୧୧୨ ସ୍କୋର କରି ଶ୍ରେଷ୍ଠ ପ୍ରଦର୍ଶନ କରିଥିବା ସ୍ତୁତି ମହିମା ଖୋରା ଓ ଅଭିପ୍ସା ପାତ୍ରଙ୍କୁ ବିଶେଷ ପ୍ରଶଂସା କରାଯାଇଛି। ଏହି ସଫଳତା ପାଠ୍ୟକ୍ରମ ସଂଯୋଜକ ଡ. ନିର୍ଝରିଣୀ ତ୍ରିପାଠୀ (ଇଂରାଜୀ ଭାଷା ଓ ସାହିତ୍ୟ ବିଭାଗ ର ମୁଖ୍ୟ); ପ୍ରଫେସର ନବିନ ପଣ୍ଡା, ଅଧ୍ୟାପିକା ବିଥିକା ଦାସ ଓ ସମସ୍ତ ଜେଏଲସିସି ଛାତ୍ରଛାତ୍ରୀଙ୍କ ନିଷ୍ଠା ଓ ସହଯୋଗକୁ ପ୍ରଶଂସା କରାଯାଇଛି। ଏହି ସଫଳତା ବିଶ୍ୱସ୍ତରୀୟ ଭାଷାକୁ ପ୍ରୋତ୍ସାହିତ କରିବା ଏବଂ ଏହାର ଛାତ୍ରଛାତ୍ରୀଙ୍କ ଶୈକ୍ଷିକ ଅଭିଜ୍ଞତାକୁ ସମୃଦ୍ଧ କରିବା ପାଇଁ ବିଶ୍ୱବିଦ୍ୟାଳୟର ଜାରି ରହିଥିବା ପ୍ରୟାସକୁ ପ୍ରତିଫଳିତ କରିଛି ବୋଲି ବିଶ୍ଵବିଦ୍ୟାଳୟର ଲୋକସମ୍ପର୍କ ଅଧିକାରୀ ଡ. ଫଗୁନାଥ ଭୋଇ ସୂଚନା ଦେଇଛନ୍ତି।

ଏହି ପାଠ ପଢ଼ନ୍ତୁ: କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କଙ୍କ ଘରେ ମୁଖ୍ୟମନ୍ତ୍ରୀ