ସୁବର୍ଣ୍ଣପୁର: ଉଲୁଣ୍ଡା ତହସିଲଦାରଙ୍କୁ ମାଡ଼ ଅଭିଯୋଗ

ବୀରମହାରାଜପୁର: ବୀରମହାରାଜପୁର ଉପଖଣ୍ଡ ଉଲୁଣ୍ଡା ତହସିଲଦାର ପୁର୍ଣ୍ଣଚନ୍ଦ୍ର ନାଏକଙ୍କୁ ମାଡ଼ ହୋଇଥିବାର ଅଭିଯୋଗ ହୋଇଛି । ଏ ସମ୍ପର୍କରେ ଶ୍ରୀଯୁକ୍ତ ନାଏକ ନିଜେ ବୀରମହାରାଜପୁର ଥାନାରେ ଲିଖିତ ଅଭିଯୋଗ କରିଛନ୍ତି । ମିଳିଥିବା ତଥ୍ୟ ଅନୁସାରେ ସୋମବାର ୟୁରିଆ ସାର ଅଭାବ ପାଇଁ କିଛି ଚାଷୀ ଉଲୁଣ୍ଡା ବ୍ଲକ ବିଶିପଡ଼ା ସେବା ସମବାୟ ସମିତି ମୁଖ୍ୟ କାର୍ଯ୍ୟାଳୟ ପଲାସ ଠାରେ ଜମା ହୋଇଥିଲେ । ଖବର ପାଇ ବୀରମହାରାଜପୁର ଉପଜିଲ୍ଲାପାଳ ଅଶୋକ କୁମାର ଭୋଇ ଉଲୁଣ୍ଡା ସହସିଲଦାର ପୁର୍ଣ୍ଣ ଚନ୍ଦ୍ର ନାଏକ ଘଟଣା ସ୍ଥଳକୁ ଯାଇ ଆଲୋଚନା କରି ସମସ୍ୟାର ସମାଧାନ କରିବା ପାଇଁ କହିଥିଲେ ।

ତୁରନ୍ତ ତହସିଲଦାର ପଲାସ୍ ସେବା ସମବାୟ ସମିତି ପହଞ୍ଚି ଆଲୋଚନା କରୁଥିବା ବେଳେ  ଅଭିଯୁକ୍ତ  କାହ୍ନୁ ଚରଣ ମିଶ୍ର ତହସିଲଦାର ପୁର୍ଣ୍ଣଚନ୍ଦ୍ର ନାଏକଙ୍କୁ ତୁ ବାଲିଧରୁଛୁ ଯାହାଫଳରେ ପ୍ରଧାନମନ୍ତ୍ରୀ ଆବାସ ଯୋଜନା ହୋଇପାରୁନାହିଁ କହି ତାଙ୍କ ଗାଲରେ ଶକ୍ତ ଚାପୁଡ଼ା ମାରିଥିଲା । ଏହାସହିତ ନିଜେ ପିନ୍ଧି ଥିବା ପେଣ୍ଟ ଖୋଲି ଦେଇଥିଲା । ଘଟଣା ସ୍ଥଳରେ ବିଶିପଡ଼ା ରାଜସ୍ବ ନୀରିକ୍ଷକ ଲୋପାମୁଦ୍ରା ସାହୁ ଓ ଅମିନ୍ ଜୟନ୍ତୀ ଭୋଇ ଉପସ୍ଥିତ ଥିଲେ ।  ପରେ ଅନ୍ୟ କର୍ମଚାରି ମିସି ତହସିଲଦାର ଓ  ଅନ୍ୟ କର୍ମଚାରିଙ୍କୁ ଉଦ୍ଧାର କରିଥିଲେ । ବୀରମହାରାଜପୁର ଥାନା କେସ ନମ୍ବର ୧୬୨/ରେ ମାମଲା ରୁଜୁ କରି ବୀରମହାରାଜପୁର ଦାଇତ୍ୱରେ ଥିବା ଉପଖଣ୍ଡ ପୋଲିସ ଅଧିକାରୀ ଆନନ୍ଦ ବର୍ଦ୍ଧନ ଗୁରୁ ଅଧିକ ତଦନ୍ତ ଚଳାଇଛନ୍ତି । ଏହି ମାଡ଼ମରା ଘଟଣାରେ ଗୋବର୍ଦ୍ଧନ ବେହେରା, ପ୍ରକାଶ ଚନ୍ଦ୍ର ନାଗ ଓ ଉପେନ୍ଦ୍ର ନେଗି ଓ ଅନ୍ୟ ମାନଙ୍କ ନାମରେ ମାମଲା ରୁଜୁ ହୋଇଛି । ଘଟଣାଟି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

ସମ୍ବନ୍ଧିତ ଖବର

Comments are closed.