ସୁନ୍ଦରୀ ପ୍ରତିଯୋଗିତାରେ ଅନୁପମାଙ୍କୁ ସଫଳତା

ସମ୍ବଲପୁର : ସୁନ୍ଦରୀ ପ୍ରତିଯୋଗିତାରେ ସମ୍ବଲପୁର ସାକ୍ଷୀପଡ଼ାର ଅନୁପମା ସେଠ୍‌ଙ୍କୁ ସଫଳତା ମିଳିଛି। ମିସ୍‌ ମିସେସ ଇଣ୍ଡିଆନ୍‌ ଦିଭା ସିଜିନ୍‌-୧ରେ ବ୍ୟୁଟି ଵିଥ୍‌ ପରପୋଜ୍‌ ସବ୍‌ଟାଇଟେଲ୍‌ ହାସଲ କରିଛନ୍ତି ଅନୁପମା।

ଗଙ୍ଗାଧମ ମେହେର ବିଶ୍ବବିଦ୍ୟାଳୟ(ଜିଏମ୍‌ୟୁ)ରେ ଯୁକ୍ତ ୩ ବାଣିଜ୍ୟ ବିଭାଗରେ ୨ୟ ବର୍ଷରେ ପଢ଼ୁଥିବା ରାଜକୁମାର ସେଠ୍‌ ଓ ମାଲା ଦୟେରାଙ୍କ ଝିଅ ଅନୁପମାଙ୍କର ପିଲାବେଳୁ ଏଥିପ୍ରତି ରୁଚି ରହିଥିଲା। ଲକ୍‌ଡାଉନ୍‌ରେ ସେ ବିଭିନ୍ନ ସୁନ୍ଦରୀ ପ୍ରତିଯୋଗିତାଗୁଡ଼ିକରେ ଭାଗ ନେଉଥିବା ପ୍ରତିଯୋଗୀମାନଙ୍କୁ ଅନୁସରଣ କରୁଥିଲେ। ସେମାନଙ୍କ ଠାରୁ ଅନୁପ୍ରାଣିତ ହୋଇ ସେ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ଏବଂ ସଫଳତା ପାଇଥିଲେ ବୋଲି କହିଛନ୍ତି। ନିର୍ଣ୍ଣାୟକ ପର୍ଯ୍ୟାୟରେ ୧୦ ଜଣ ପ୍ରତିଯୋଗୀ ଥିବା ବେଳେ ଅନୁପମା ବାଜି ମାରିଥିଲେ। ଏହା ସହିତ ସେ ମିସ୍‌ ଟିଆରା କ୍ବିନ୍‌ରେ ମଧ୍ୟ ଅଂଶଗ୍ରହଣ କରି ଶ୍ରେଷ୍ଠ ଚାଲିରେ ସବ୍‌ଟାଇଟେଲ ହାସଲ କରିଛନ୍ତି।