ପାରିବାରିକ କଳହରୁ ଯୁବକଙ୍କ ଆତ୍ମହତ୍ୟା
ବଲାଙ୍ଗୀର: ପାରିବାରିକ କଳହରୁ ବଲାଙ୍ଗୀର ସହରର ବରପାଲିପଡ଼ାର ଘନଶ୍ୟାମ ରାଉତ (୨୮ବର୍ଷ) ନାମକ ଜଣେ ଯୁବକ ମଙ୍ଗଳବାର ରାତିରେ ଆତ୍ମହତ୍ୟା କରିଛନ୍ତି। ରାତିରେ ସେ ବେକରେ ଶାଢ଼ି ଦେଇ ଘରର ରେଲିଂରେ ଝୁଲି ପଡ଼ିଥିଲେ। ପରିବାର ଲୋକେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ ହସପିଟାଲକୁ ଆଣିଥିଲେ।
Sambad is now on WhatsApp
Join and get latest news updates delivered to you via WhatsApp
ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ଦେଢ଼ବର୍ଷ ହେଲା ସେ ବିବାହ କରିଥିଲେ ମଧ୍ୟ କୌଣସି ପିଲାଛୁଆ ହୋଇ ନଥିଲେ। ଏହାକୁ ନେଇ ଘନଶ୍ୟାମ ଓ ତାଙ୍କ ସ୍ତ୍ରୀଙ୍କ ମଧ୍ୟରେ ବାରମ୍ବାର ଗଣ୍ଡୋଗୋଳ ହେଉଥିଲା। ମଙ୍ଗଳବାର ଘନଶ୍ୟାମଙ୍କ ଶ୍ୱଶୁର ଆସି ତାଙ୍କ ଝିଅକୁ ନେଇ ଯାଇଥିଲେ। ଏଥିରେ ମାନସିକ ଭାରସାମ୍ୟ ହରାଇ ଘନଶ୍ୟାମ ଆତ୍ମହତ୍ୟା କରିଥିବା ଅନୁମାନ କରାଯାଉଛି।