ଭୁବନେଶ୍ୱର ( ତପନ ମହାରଣା) : ଭୁବନେଶ୍ୱରରୁ ଗୁଜୁରାଟର ସୁରଟକୁ ସପ୍ତାହକୁ ୨ଥର ଫ୍ଲାଇଟ ଚଳାଚଳ କରିବ । ଏ ସଂପର୍କରେ ଆଜି ଟ୍ଵିଟ କରି ଜଣାଇଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ସୁରଟରେ ଅନେକ ଓଡ଼ିଆ ରହୁଥିବାରୁ ଓଡ଼ିଶାରୁ ସିଧାସଳଖ ସୁରଟକୁ ଫ୍ଲାଇଟ ଚଳାଚଳ ପାଇଁ ଅନେକ ଦିନରୁ ଦାବି ହୋଇଆସୁଥିଲା ।
Sambad is now on WhatsApp
Join and get latest news updates delivered to you via WhatsApp
Met Sri Hardeep Singh Puri, Hon’ble Minister, Civil Aviation, alongwith Hon’ble MP, Surat today. We both requested him for a direct flight between Surat and Bhubaneswar. Good news that the flight would start twice a week very soon. Felt happy with the outcome of the meeting. pic.twitter.com/sGHcxfdxje
— Aparajita Sarangi (@AprajitaSarangi) July 22, 2019
ଏହି ଦାବି ନେଇ ସାଂସଦ ଷଡଙ୍ଗୀ ଆଜି କେନ୍ଦ୍ର ବେସାମରିକ ବିମାନ ଚଳାଚଳମନ୍ତ୍ରୀ ହରିଦୀପ ସିଂ ପୁରୀଙ୍କୁ ଭେଟିଥିଲେ । ତାଙ୍କ ସହିତ ସୁରଟର ସାଂସଦ ଦର୍ଶନା ଜାର୍ଦୋସ ମଧ୍ୟ ମନ୍ତ୍ରୀ ଶ୍ରୀ ପୁରୀଙ୍କୁ ଭେଟିଥିଲେ । ଏହି ଦୁଇ ସାଂସଦଙ୍କ ଦାବିକୁ କେନ୍ଦ୍ରମନ୍ତ୍ରୀ ମାନିବା ସହ ଖୁବଶୀଘ୍ର ସପ୍ତାହକୁ ଦୁଇଥର ଫ୍ଲାଇଟ ଚଳାଚଳ କରିବ ବୋଲି ସେ ପ୍ରତିଶ୍ରୁତି ଦେଇଛନ୍ତି । ଗୁଜୁରାଟର ଶିଳ୍ପ ଓ ବାଣିଜ୍ୟ ନଗରୀ ସୁରଟରେ ପ୍ରାୟ ୭ ଲକ୍ଷରୁ ଅଧିକ ଓଡିଆ ବସବାସ କରୁଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଭୁବନେଶ୍ୱର-ସୁରଟ ଫ୍ଲାଇଟ ସଂଯୋଗ ପାଇଁ ପୂର୍ବରୁ କେନ୍ଦ୍ର ସରକାରଙ୍କୁ ପତ୍ର ଲେଖିଥିଲେ ।