ସୁରେନ୍ଦ୍ର ମହାନ୍ତି ଜନ୍ମଶତବାର୍ଷିକୀ ଓ ପୁସ୍ତକ ଉନ୍ମୋଚନ ଉତ୍ସବ ୨୧ରେ
ଭୁବନେଶ୍ବର : ଓଡ଼ିଆ ସାହିତ୍ୟର ଅପ୍ରତିମ ଗଦ୍ୟଶିଳ୍ପୀ ତଥା କଥାସମ୍ରାଟ୍ ସୁରେନ୍ଦ୍ର ମହାନ୍ତିଙ୍କ ଜନ୍ମ ଶତବାର୍ଷିକୀ ଉପଲକ୍ଷେ ‘ସମ୍ବାଦ-ଆମ ଓଡ଼ିଶା’ ପକ୍ଷରୁ ଆସନ୍ତା ୨୧ତାରିଖରେ ହୋଟେଲ ସ୍ବସ୍ତି ପ୍ରିମିୟମ ଠାରେ ସାରସ୍ବତ ସମାରୋହ ଓ ପୁସ୍ତକ ଉନ୍ମୋଚନ ଉତ୍ସବ ଅନୁଷ୍ଠିତ ହେବ।
Sambad is now on WhatsApp
Join and get latest news updates delivered to you via WhatsApp
‘ସମ୍ବାଦ’ର ସମ୍ପାଦକ ତଥା ‘ଆମ ଓଡ଼ିଶା’ର ଅଧ୍ୟକ୍ଷ ସୌମ୍ୟରଂଜନ ପଟ୍ଟନାୟକଙ୍କ ସଭାପତିତ୍ବରେ ଅନୁଷ୍ଠିତ ହେବାକୁ ଥିବା ଏହି ସମାରୋହରେ ସରସ୍ବତୀ ସମ୍ମାନ ବିଜେତା କବି ରମାକାନ୍ତ ରଥ, ଜ୍ଞାନପୀଠ ବିଜେତା କବି ସୀତାକାନ୍ତ ମହାପାତ୍ର ଓ ଅତିବଡ଼ୀ ଜଗନ୍ନାଥ ଦାସ ପୁରସ୍କାର ବିଜେତା ଔପନ୍ୟାସିକ ବିଭୂତି ପଟ୍ଟନାୟକ ଯୋଗଦେବେ। ଏହି ଅବସରରେ ସେମାନେ ସୁରେନ୍ଦ୍ର ମହାନ୍ତିଙ୍କର ସ୍ମୃତିଚାରଣ କରିବା ସହ ଏକତ୍ର ପ୍ରକାଶିତ ତାଙ୍କର ତିନିଟି କାଳଜୟୀ ଉପନ୍ୟାସ- ନୀଳଶୈଳ, ନୀଳାଦ୍ରି ବିଜୟ ଓ କୃଷ୍ଣାବେଣୀରେ ସଂଧ୍ୟାକୁ ‘ସୁରେନ୍ଦ୍ର ରଚନା ସମଗ୍ର’ର ପ୍ରଥମ ଅର୍ଘ୍ୟ ଭାବରେ ଉନ୍ମୋଚନ କରିବେ। ଏହି ସମାରୋହରେ ଯୋଗଦେଇ ଶତାବ୍ଦୀ-ପୁରୁଷ ସୁରେନ୍ଦ୍ର ମହାନ୍ତିଙ୍କ ପ୍ରତି ଶ୍ରଦ୍ଧାଞ୍ଜଳି ନିବେଦନ କରିବାକୁ ଶ୍ରୀ ପଟ୍ଟନାୟକ ଅନୁରୋଧ ଜଣାଇଛନ୍ତି।