ମହିଳାଙ୍କ ସନ୍ଦେହଜନକ ମୃତ୍ୟୁ ଘଟଣା: ମଦ ନିଶାରେ ପିଟିପିଟି ମାରିଦେଲା

ଯୋଡ଼ା : ଯୋଡ଼ା ଥାନା ବିଲେଇପଦା ଗ୍ରାମ କାରଣସାହିରେ ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଥିଲା। ମଦ ନିଶାରେ ମହିଳାଙ୍କ ସ୍ବାମୀ ତାଙ୍କୁ ପିଟିପିଟି ହତ୍ୟା କରିଥିବା ପୁଲିସ କହିଛି। ସୂଚନାଯୋଗ୍ୟ, ଶୁକ୍ରବାର ରାତିରେ ସଞ୍ଜୟ ବେଣ୍ଟକାର ଓ ପତ୍ନୀ ଲିଲିମନି ମୁଣ୍ଡାଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା।

ମଦ ନିଶାରେ ସଂଜୟ ପତ୍ନୀ ଲିଲିମନିଙ୍କୁ ନିସ୍ତୁକ ମାଡ଼ ମାରିଥିଲେ। ଫଳରେ ତାଙ୍କର ମୃତ୍ୟୁ ଘଟିଥିଲା। ଗତକାଲି ଏ ସମ୍ପର୍କରେ ପରିବାର ଲୋକେ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ସ୍ବାମୀ ସଂଜୟକୁ ଅଟକ ରଖି ପଚରାଉଚରା କରିଥିଲା। ସଂଜୟ ପୁଲିସ ଆଗରେ ପତ୍ନୀଙ୍କୁ ହତ୍ୟା କରିଥିବା ସ୍ବୀକାର କରିଛି। ଏନେଇ ପୁଲିସ କେସ୍‌ ନମ୍ବର ୨୮/୨୦୨୩ରେ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି।